hvítabók • fylgibind 2 fyrisiting - Løgmansskrivstovan

130 · Hvítabók – Fylgibind 2
ES-fyriskipanirnar seinastu 15-20 árini og tær nógvu lógarbroytingarnar
á økinum bæði í ES, heruppií Danmark, og í londunum, sum
hava avtalur við ES, eru ein roynd at tátta í og herða eftirlitið við
fíggjarstovnunum og at gera felags reglur fyri stovnarnar. Málið er at
styrkja bankaskipanina og skapa ein so tryggan fíggjarmarknað sum
gjørligt tvørtur um landamørk.
Hjá okkum er lógarøkið danskt, og donsku lógirnar eru settar í gildi
í Føroyum við kongligari fyriskipan.
Fyrisitingarligu myndugleikarnir eru:
Danski búskaparmálaráðharrin: Banka- og sparikassalógin, virðisbrævahandilslógin,
lógin um ein innsetaratrygdargrunn.
Fíggjareftirlitið: Allar nevndu lógirnar
Skráseting Føroya, Erhvervs- og selskabsstyrelsen og Føroya landsstýri:
Mest banka- og sparikassalógin.
Krøv til fyrisitingarligu myndugleikarnar, tá ið málsøkið gerst føroyskt:
Landsstýrismaðurin í fíggjarmálum verður at hava ta ábyrgd og tann
myndugleika, sum danski búskaparmálaráðharrin hevur sum ovasti,
fyrisitingarligi myndugleiki á økinum.
Eftirlitsstovnur, sum fíggjareftirlit, skal skipast. Stovnurin skal hava
umsjón við, at ásetingarnar í lógum og kunngerðum verða hildnar.
Í Danmark hevur búskaparmálaráðharrin latið Fíggjareftirlitinum
upp í hendur at gera ein part av teim neyðugu kunngerðunum. Hetta
kundi eisini verðið gjørt í Føroyum, tí eisini í føroyska fíggjareftirlitinum
verður tann neyðugi yrkiskunnleikin.
Føroyska fíggjareftirlitið eigur eisini, umframt av hava eftirlit við
omanfyri nevndu lógum, eins og t. d. tað danska, at hava eftirlit við
tryggingarfeløgunum og øðrum fíggjarligum stovnum ella grunnum.
(T.d. hevur danska fíggjareftirlitið havt eftirlit við Framtaksgrunninum
og Fíggingargrunninum)
Hóskandi hevði verið, at eftirlitið við gjaldskortum o.tíl í Føroyum
lá hjá føroyska fíggjareftirlitinum.
Í Føroyum hevur Skráseting Føroya longu tær uppgávur, sum
Erhvervs- og Selskabsstyrelsen hevur í Danmark, so har verður eingin
broyting.
Krøv til lóggávu, tá ið málsøkið gerst føroyskt
Tá føroysk lóggáva skal verða gjørd á økinum, er avgerandi neyðugt,
at hon fylgir teirri í øðrum londum. Hetta er øki, har sera stór virði
skifta hendur, og peningastovnarnir fáa frá øðrum litið til at umsita