hvítabók • fylgibind 2 fyrisiting - Løgmansskrivstovan

Løgmansskrivstovan · 61
oyskt málsræði burturav, krevur, at Føroyar ikki hava danska grundlóg.
Hinvegin er løgdeildin, sum nú er, kærustovnur í ognartøkumálum.
Tí kann málsøkið koma undir føroyskt málsræði burturav, uttan økt
krøv til fyrisiting og kostnað.
Lóggávuheimildin um tinglýsing er yvirtikin. Málsøkið „tinglýsing
og tinglesing“ umsita ávikavist tinglýsingin og Matrikkulstovan.
Matrikkulstovan er yvirtikin, men tinglýsingin ikki. At fyrisitingin av
málsøkinum „tinglýsing“ kemur undir føroyskt málsræði, krevur ikki
lógarbroytingar. Hetta ger tó, at fullveldið skal fíggja økið, sum ríkismyndugleikarnir
fíggja nú. Her er tó at siga, at bæði Matrikkulstovan
og Tinglýsingin hava inntøkur av sínum virksemi. Sum er, verður tinglýsingin
umsitin av Føroya rætti. Tí eigur tann fyrisitingarligi og fíggjarligi
spurningurin í sambandi við, at tinglýsingin kemur undir føroyskt
málsræði burturav, at verða viðgjørdur av undirnevndini hjá
grundlógarnevndini, ið skal gera uppskot til føroyska rættarskipan.
Málsøkið „lóggáva“ verður fyrisitið av Landsstýrinum og ríkismyndugleikunum.
Allar ríkislógir, ið skulu setast í gildi fyri Føroyar, skulu
lýsast í kunngerðablaðnum B fyri at fáa gildi. Landsstýrið gevur út og
rindar fyri kunngerðabløðini A og B. Ríkismyndugleikarnir umsita tey
praktisku viðurskiftini at kunngera ríkislóggávu í Føroyum í kunngerðablaðnum
B, men Løgmansskrivstovan/løgdeildin umsitur tey praktisku
viðurskiftini at lýsa føroyska lóggávu í kunngerðablaðnum A.
At málsøkið kemur undir føroyskt málsræði, ger, at donsku reglurnar
um kunngerð av lógum, fyriskipanum og kunngerðum í Føroyum
verða settar úr gildi.
Sum er, rindar Landsstýrið tað, sum Kunngerðablaðið kostar. At
málsøkið kemur undir føroyskt málsræði, hevur tí ongar fyrisitingarligar
ella fíggjarligar avleiðingar.
Málsøkini „grundlógin, Fólkatingið, umboðsmaður Fólkatingsins,
ríkisarvingalógin, ríkisborgararættur, ríkismyndugleikar, útlendingar
og pass“ eru felagsmál. Talan er sostatt um ríkislóggávu, og ríkismyndugleikarnir
umsita og fíggja málsøkini.
Tá ið mál um heimarætt verða løgd fyri heimastýrið til ummælis,
er tað Løgmansskrivstovan/løgdeildin, ið avgreiðir málini sambært §
7 í heimastýrislógini.
Avgerandi fyri, um fullveldi ber við sær krav um lógarligar, fyrisitingarligar
ella fíggjarligar broytingar, er innihaldið í sáttmálanum, ið
ætlanin er at gera við ríkismyndugleikarnir, og sum skal koma í staðin
fyri heimastýrisskipanina.
Ætlandi skulu Danmark og Føroyar gera sínámillum sáttmála sum
tvey javnbjóðis lond við fullveldi, og skal hesin sáttmáli koma í staðin