hvítabók • fylgibind 2 fyrisiting - Løgmansskrivstovan

Undirvísingar- og mentamálastýrið · 247
• At lýsa galdandi fólkakirkjuligu lóg og fíggjarligu viðurskifti
fólkakirkjunnar í dag.
• Í stuttum at lýsa fólkakirkjuligu lóggávuna og fíggjarligu viðurskifti
fólkakirkjunnar í grannalondunum.
• At gera eitt uppskot til løgtingslóg um stjórn og rakstur av fólkakirkjuni
o.ø. sum m.a. inniheldur reglur um:
• hægri fyrisiting og stjórn fólkakirkjunnar
• kirkjur og kirkjugarðar
• starvsfólkaviðurskifti fólkakirkjurnnar
• kirkjuligar hendingar
• halgidagsfrið
• onnur kirkjusamfeløg
Ætlanin er, at føroyska fólkakirkjan eftir yvirtøkuna skal vera ein
kirkja við støði í føroyska samfelagnum og skipað eftir fíggjarligu fortreytunum.
Fígging
Tað er torført at meta um, hvat kirkjan fer at kosta, tá ið hon er yvirtikin.
Hetta kemur at verða tengt at, hvussu lóggávan fer at vera
orðað. Verandi fólkakirkja kostar sambært tølinum frá Ríkisumboðsmanninum
uml. 12,6 mill.kr. Eftir yvirtøku verður fyrisitingin, sum í
dag er í danska Kirkjumálaráðnum, at verða flutt til Føroya, og fer
hetta eisini at kosta nakað.