hvítabók • fylgibind 2 fyrisiting - Løgmansskrivstovan

Almanna- og heilsumálastýrið · 333
fyri, hvussu heilsusystraskipanin skal verða løgd til rættis, og hvussu
arbeiðið verður útint.
Fyrisitingarliga eru eingi krøv í sambandi við lógina, men tá talan
er um tær uppgávur, sum Sundhedsstyrelsen hevur, verður mett, at
avtala átti at verðið gjørd við Sundhedsstyrelsen um at halda fram
við teimum uppgávum, sum tað nú hevur á økinum.
2. Lóggáva
Lógin er føroysk løgtingslóg og snýr seg í høvuðsdráttum um tær veitingar,
sum heilsusystratænastan gevur borgarum í Føroyum, og lógin
greiðir eisini frá, hvussu skipanin virkar.
Kunngerð, sett í gildi við heimild í lógini:
– K. nr. 105 frá 11.06.1997 um heilsusystratænastuna.
Líknandi lógin í Danmark er avtikin, og heilsusystraskipanin verður í
staðin regulerað í „L.nr. 438 af 14 juni 1995 om forebyggende sundhedsordninger
for børn og unge.“ Henda lóg er ikki sett í gildi fyri
Føroyar, men ætlanin er at gera føroyska løgtingslóg á hesum øki við
heimild í rammulógini á heilsuøkinum.
3. Fíggjarlig ábyrgd
Sambært § 9 í heimastýrislógini hava danir fíggjarligu ábyrgdina av
økinum. Danir hava tó við ríkislóg latið føroyska heimastýrinum útreiðsluskylduna
á økinum. Sum endurgjald fyri at rinda útreiðslurnar,
fær heimastýrið blokkstuðul.
Í føroysku skipanini verða útreiðslur í sambandi við skipanina
goldnar sambært løgtingslóg um býti av almannaútreiðslum, (sí meira
í kap. 6).
Heimasjúkrasystratænastan
Ll. nr. 88 frá 06.06.1997 um heimasjúkrasystratænastuna.
1. Fyrisitingarligir myndugleikar og uppgávur
Fyrisitingarligir myndugleikar eru landsstýrismaðurin í heilsumálum
og Sundhedsstyrelsen.
Uppgávurnar sambært lógini eru hesar:
Landsstýrismaðurin í heilsumálum ásetir neyvari reglur fyri heimasjúkrasystraskipanina.
Sundhedsstyrelsen hevur til uppgávu at áseta reglur fyri frágreiðingarskyldu
hjá heimasjúkrasystratænastuni og gera vegleiðing