hvítabók • fylgibind 2 fyrisiting - Løgmansskrivstovan

194 · Hvítabók – Fylgibind 2
2.6. Niðurstøður
– K. nr. 105 frá 21.06.1995 um tilgerð og útgerð o.a. hjá akførum,
broytt við K. nr. 28 frá 13.03.1998
– K. nr. 105 frá 18.12.1978 um fallhjálmar.
Fyrisitingarmyndugleikar: Fyrisitingarligir myndugleikar eru Vinnumálastýrið
og Bileftirlit Føroya.
Lóggáva: Málsøkið er føroyskt eins og allar rættarreglur. Rættarreglurnar
vísa ikki beinleiðis til danskar myndugleikar, men Landsstýrið
kann gera av, at tær kunngerðir, sum Ferðslumálaráðið sambært
ferðslulógini hevur givið út um stakfyriskipanir um akfarsgerð og akfarsútgerð,
heilt ella partvíst skulu hava gildi í Føroyum, (eru undantiknar
lýsing). Ásett verður eisini, at m.a. fallhjálmar skulu verða góðkendir
eftir donskum, finskum ella svenskum reglum.
Fíggjarviðurskifti: Eingi
At føroyskar rættarreglur vísa til danskar myndugleikar er av praktiskum
orsøkum, tí hetta ger umsitingina lættari.
Oftani er talan um sera umfatandi, tekniskar fyriskipanir, sum
krevja nógva umsiting at halda við líka, og hetta arbeiði hava Føroyar
ikki orku til. Annar fyrimunur er, at tær donsku, teknisku fyriskipanir
fylgja ES-reglum. Í sambandi við eina broytta, ríkisrættarliga støðu
verður framvegis neyðugt at vísa til tekniskar standardir hjá øðrum
londum við teimum praktisku fyrimunum, hetta hevur við sær.