hvítabók • fylgibind 2 fyrisiting - Løgmansskrivstovan

4.2. Sernámsdepilin
Undirvísingar- og mentamálastýrið · 233
Gómaráð
Sernámsdepilin hevur samstarv við 4 danskar serlæknar í danska
heilsuverkinum, sum koma einaferð um árið at kanna børn við opnum
góma. Sernámsdepilin ber útreiðslurnar til ferð og uppihald, men
danska heilsuverkið rindar læknunum løn.
Kanningarnar kunnu føra við sær, at børn verða løgd undir skurð á
Ríkissjúkrahúsinum. Sjúkrahúsverkið rindar tá útreiðslurnar á Ríkissjúkrahúsinum,
men Sernámsdepilin ber útreiðslurnar av ferðing og
uppihaldi hjá barninum og avvarðandi, sum fylgir við barninum til
Danmarkar.
Barnasálarsjúkufrøði
Avtala er millum sjúkrahúsverkið og Børnenes Hus í Odense, sum ber
í sær, at tveir barnasálarfrøðingar koma til Sernámsdepilin 3 ferðir um
árið í uml. 15 dagar tilsamans.
Sernámsdepilin og sjúkrahúsverkið hava borið útreiðslurnar av
ferðing og uppihaldi, men Børnenes Hus í Odense rindar lønina hjá
sálarfrøðingunum.
4.3. Føroya Læraraskúli
Ongar fyrisitingarligar avtalur eru í dag við myndugleikar í Danmark,
men hetta kann verða neyðugt, um so er, at Føroyar taka fullveldi.
Ikki bert við Danmark, men eisini við hini Norðurlondini.
Rektarin á Føroya Læraraskúla hevur rætt at møta á rektarafundi
saman við rektarunum á donsku læraraskúlunum, men hann hevur
ikki atkvøðurætt. Eina til tvær ferðir árliga, alt eftir hvat ið er á
skránni, er rektarin við á donsku rektarafundunum, og alt tilfar til
fundirnar, verður eisini sent læraraskúlanum, so til ber at fylgja við
gongdini.
Lærarar á Læraraskúlanum eru við á tveimum skeiðum, sum interna
eftirútbúgvingarskipan læraraskúlanna hevur skipað fyri. Seinastu
árini er hetta vorðið dýrari enn frammanundan, tí tá rindaði Undirvísingarmálaráðið
mesta kostnaðin. Nú er hetta býtt út á læraraskúlarnar,
og tann føroyski skúlin skal sostatt rinda sín part, tá ið hann er
við.
Eftir fullveldi verður væntandi neyðugt at gera reglur fyri luttøkuna
í eini slíkari skipan.