hvítabók • fylgibind 2 fyrisiting - Løgmansskrivstovan

Vinnumálastýrið · 181
Við yvirtøkuni av ráevnum í undirgrundini í 1993 eru lóggávuvaldið og
fyrisitingarvaldið føroysk, og landið fíggjar kostnaðin í hesum sambandi.
Donsku rættarreglurnar á økinum hava neyvan nakran praktiskan
týdning longur, men yvirvaldsrætturin yvir føroyskum øki er tó framvegis
danskur.
Seinast í kunngerðini um yvirtøku av ráevnunum í undirgrundini
verður viðmerkt, at „Regeringen har konstateret, at Færøernes landsstyre
er indstillet på, til gavn for såvel færøske som danske samfundsog
erhvervsinteresser, forudsat konkurrencedygtighed at anvende sagkundskab
indenfor dansk forvaltning og forskning samt danske
erhvervsvirksomheder i den færøske råstofudvinding.“ Her verður
ikki beinleiðis víst til danskar myndugleikar, men talan er um eina
ætlanaryvirlýsing, har Landsstýrið kann velja at nýta danskan
sakkunnleika og danskt vinnulív í ráevnisvinnuni. Viðmerkt kann
verða, at Danmarks Geologiske Undersøgelse og Orkustýrið hava
verið við í arbeiðinum hjá Oljuráðleggingarnevnd landsstýrisins.
Fíggjarviðurskifti: Verður føroyskt fullveldi skipað, verður yvirvaldsrætturin
føroyskur. Hetta hevur ongan meirkostnað við sær.
1.10. Umhvørvisvernd
A. nr. 318 af 26.06.1985 om ikrafttræden for Færøerne af lov om
beskyttelse af havmiljøet.
B. nr. 236 af 09.07.1958 om oliejournal.
– B. nr. 155 af 12.05.1959 om forholdsregler i skibe mod olieforurening
af havet.
– B. nr. 450 af 29.08.1978 om erstatningsfond for olieforurening som
senest ændret ved B. nr. 465 af 26.09.1980.
– K. nr. 20 frá 08.04.1987 um móttøkuskipan av oljurestum og
-blandingum, kloakkavlopsvatni og burturkasti í føroyskum havnum.
Fyrisitingarmyndugleikar: Umhvørvismálaráðharrin, Landsstýrið,
danska umhvørviskærunevndin og danska umhvørvisstýrið.
Lóggáva: Lógin er ætlað at verja hav og lív um Føroyar og tekur við,
har lógin um umhvørvisvernd á landi sleppur. Talan er um danska lóg.
Viðmerkjast skal, at landsstýrismaðurin legði fram uppskot til ríkislógartilmæli
um at seta í gildi fyri Føroyar „anordning om ikrafttræden
for Færøerne af lov om beskyttelse af havmiljøet,“ (løgtingsmál
nr. 96/98), og varð uppskotið samtykt av løgtinginum tann 23.
apríl 1999. Lógin flytur allar heimildir innan fyri føroyska fiskimarkið