hvítabók • fylgibind 2 fyrisiting - Løgmansskrivstovan

98 · Hvítabók – Fylgibind 2
Yvirformyndaríið, formannin í vanlukkutryggingarráðnum, yvirfriðingarnevndina,
yvirlandbúnaðarstevnuna, yvirútskiftingarnevndina,
leigunevndina fyri Tórshavnar kommunu, nevndina, ið umsitur endurgjald
frá statinum til teirra, sum hava verið fyri illgerð, Færøernes
Nævn for Børneforsorg, sjóvinnuráðið, sterilisatiónsnevndina, kappingarkærunevndina
og ættleiðingarsamráðið.
Samstarv við aðrar stovnar
Rætturin hevur ongar beinleiðis samstarvsfelagar uttan Løgmálaráðið
og aðrar dómstólar í ríkinum.
Starvsfólk og bygnaður
Hjá sorinskrivaranum eru tveir dómarar, harav annar hevur umsitingina
um hendi. Harumframt eru ein rættarassessor, fýra dómarafulltrúar,
tjúgu skrivstovufólk og tveir næmingar.
Stovnurin er býttur í seks eindir: Fútarætt, tinglýsing, skiftirætt,
Revsirætt/borgararætt, Vanlukkutryggingarráðið og Kassin.
Kostnaður
Sorinskrivaranum eru játtaðar 2,5 mió. kr. til raksturin. Sorinskrivarin
hevur inntøkur frá rættaravgjaldi, arvaavgjaldi og tinglýsingargjaldi,
herímillum gjald fyri avhending av fastari ogn.
Rættaravgjald og tinglýsingargjald eigur statskassin, og arvaavgjald
verður býtt millum statskassan og landskassan.