hvítabók • fylgibind 2 fyrisiting - Løgmansskrivstovan

312 · Hvítabók – Fylgibind 2
reglur um virki hjá tannrøktarum, og hevur eftirlit við tannrøktarum
sambært „anordning om ikrafttræden på Færøerne af lov om Sundhedsvæsenets
Centralstyrelse.”
Uppgávan hjá fútanum er, at um tannrøktari gerst sekur í grovari
ella endurtakandi misrøkt í starvi sínum, skal fútin átala hetta, og
verður tannrøktarin tá revsaður við bót ella hefti.
2. Lóggáva
Lógin ásetir krøv um, nær tannrøktari kann fáa góðkenning og virka
sum tannrøktari. Lógin kann verða sett í gildi í Føroyum við kongligari
fyriskipan, av tí at málsøkið er felagsmál.
Uppskot til ríkislógartilmæli um „Lov om tandplejere“ varð samtykt
á Løgtingi í oktober 1997, men kongliga fyriskipanin er enn ikki
komin í gildi, hóast fyriskipanin varð send Sundhedsstyrelsen beint
eftir løgtingssamtyktina, og Almanna- og heilsumálastýrið síðani tá
javnan hevur biðið um at fáa fyriskipanina setta í gildi fyri Føroyar.
Landsstýrismaðurin í almanna- og heilsumálum hevur eisini verið á
fundi við danska heilsumálaráðharran um málið, men einki er hent
enn. Hetta er dømi um, hvussu illa núverandi skipan um góðkenningarlógir
virkar.
Tað er Sundhedsstyrelsen, sum saman við drotningini endaliga skal
undirskriva kongligu fyriskipanina og almannakunngera hana. Fyriskipanin
er sum sagt ikki komin í gildi enn, men verður tó tikin við
her, av tí at hon er samtykt á Løgtingi.
Um lóggávuna annars og samstarvsavtalu við donsku stjórnina, sí
inngangin til kapitlið. Tað, sum har stendur, er galdandi fyri allar
heilsuútbúgvingar.
3. Fíggjarlig ábyrgd
Málsøkið er felagsmál, tað merkir, at fíggjarliga ábyrgdin av málsøkinum
liggur í Danmark.
Um upplýsingar um fíggjarligar avleiðingar annars, sí inngangin til
kapitlið. Tað, sum har stendur, er galdandi fyri allar heilsuútbúgvingar.