hvítabók • fylgibind 2 fyrisiting - Løgmansskrivstovan

10 – Hvítabók – Fylgibind 2
Fiskimálastýrið · 145
Løgmálaráðharrin og fíggjarmálaráðharrin hava eisini ávísar skyldur,
t.d. at staðfesta ognarrætt til skip ella góðs. Ger eigari ikki vart við
seg, hevur fíggjarmálaráðharrin sambært lógini heimild til at lata
bjargingarfólk fáa teir ognarlutir, sum hava størri virði enn 10 kr.
Lóggáva: Lógin ásetir reglur fyri, hvørjar uppgávur og skyldur ávísir
myndugleikar hava, tá skip er strandað ella er um at stranda. Eisini er
álagt øllum at hjálpa, har tað stendur um lív, uttan tó at koma sær
sjálvum í vanda. Fólk á staðnum hava skyldu til veita teimum skipbrotnu
innivist og neyðuga røkt. Endurgjald verður veitt teimum,
sum hava útreiðslur av hesum.
Er eingin umboðsmaður á staðnum fyri tann, sum eigur skip ella
farm, hevur løgreglan skyldu til at boða eigaranum frá hesum, soleiðis
at hann, eftir at hava veitt trygd fyri bjargingarútreiðslum, kann koma
eftir ognarlutunum. Ger eigarin ikki vart við seg innan 1 ár, kunnu
ognirnar verða seldar á uppboði.
Bjargingarlønin kann vera 1/3 av søluvirðinum, tá bjargingarútreiðslurnar
eru frádrignar. Bjargingarlønin kann eisini verða ásett eftir
kapitli 9 í sjólógini. Ger eigarin ikki vart við seg, fær statskassin tað,
sum eftir er av upphæddini.
Fígging: Av tí at ábyrgd og skyldur liggja á donskum myndugleikum,
eru tað hesir, sum í løtuni bera kostnaðin av at umsita lógina, t.e., at
fíggingin av lógarøkinum bert er ein brotpartur av tí, sum nevndu
myndugleikar kosta.
– L.nr. 131 af 17.04.1916 om Lodsvæsenet, som senest ændret ved
lov nr. 127 af 15.04.1930.
– B.nr. 118 af 02.06.1900 om Brugen af Lodskendingsflaget.
– A.nr. 9 af 17.01.1934 om Signaler for Lods.
Loðslógin er ríkislóg, sum er sett í gildi í 1916 og seinast broytt í
1930. Lóggávan er ótíðarhóskandi á fleiri økjum, serliga tá ið ræður
um starvsfólkaviðurskifti. Lógin er dagførd í Danmark, men ikki í Føroyum.
Lóggávan: Lógin ásetir reglur um, hvussu loðsskipanin skal vera,
hvussu loðsar og skipsførarar skulu bera seg at og hvørja ábyrgd teir
hava, tá ið skip verður loðsað. Sambært lógini skal ráðharrin áseta
gjøld fyri loðstænastu. Í lógini er greiniliga ásett, hvat ið goldið skal
verða fyri. Gjøldini eigur loðsverkið á staðnum.
Fyrisiting: Sambært lógini skal loðsskipanin verða skipað undir einum