hvítabók • fylgibind 2 fyrisiting - Løgmansskrivstovan

Løgmansskrivstovan · 75
miðalfólk við maka og tveimum børnum, har útreiðslur eru av
langtíðarleiðu, útgerð o.ø.
Føroyskur limaskapur í millumríkjafelagsskapum fer í flestu førum
at seta fíggjarkrøv. Tí eigur at verða nevnt, at ikki allir felagsskapir
krevja inn limagjald. Tað valdast, um felagsskapurin hevur egna skrivstovu.
Vanligt er, at goldið verður eftir bruttotjóðarúrtøku. Í øðrum
førum verður goldið sambært semju millum limaland og felagsskap,
alt eftir, hvussu virknan politikk limalandið hevur í millumtjóða høpi
í virkseminum hjá felagsskapinum.
Skipanin av eini føroyskari uttanríkistænastu kann hava løguútreiðslur
við sær. Mett verður, at tílíkar útreiðslur kunnu verða av
sendistovum og umboðsstovum. Aftur at hesum eigur at verða havt í
huga, at vanligt er at langtíðarleiga bygningar, íbúðir, akfør og aðra
útgerð í slíkum starvi. Hesar útreiðslur eru roknaðar upp í útreiðslurnar,
sum nevndar vóru omanfyri um fólk, ið starvast burturi í uttanríkistænastu.
Skipanin av eini føroyskari uttanríkistænastu fer at seta ávís
starvsfólkakrøv. Ein fullmannað sendistova krevur ein sendiharra, ein
varasendiharra, ein sendifulltrúa, eitt skrivstovufólk og eitt hjálparfólk,
ið eisini er bilførari. Tað er tó ikki óvanligt, at sendistovur hava
minni manning. Í ávísum førum eru dømi um sendistovur, har sendiharrin
er einsamallur um alt. Eisini nýta smá lond av fíggjarávum
heimastarvandi, ferðandi sendiharrar.
Heildarkostnaðurin fyri eina føroyska uttanríkistænastu, sum samsvarar
áðurnevndu ætlan, verður viðgjørdur niðanfyri í trimum stigum.
Fyrst verður kostnaðurin og starvsfólkatørvurin fyri føroyskar
sendistovur og umboðsstovur viðgjørdur. Síðan verður kostnaðurin
fyri føroyska luttøku í millumríkjafelagsskapum viðgjørdur, og at
enda verður umrøddur kostnaðurin og starvsfólkatørvurin í sambandi
við eina samsvarandi útbygging av uttanlandsdeildini.
Árligur rakstrarkostnaður av sendistovum og umboðsstovum
Sendistova Føroya í Reykjavík
Lond og felagsskapir: Ísland
Starvsfólk: Ein sendiharri
Ein sendifulltrúi, (varasendiharri)
Ein skrivari
Rakstrarútreiðslur: 3 mió. kr.
Sendistova Føroya í Oslo
Lond og felagsskapir: Noreg og Russland
Starvsfólk: Ein sendiharri