hvítabók • fylgibind 2 fyrisiting - Løgmansskrivstovan

308 · Hvítabók – Fylgibind 2
Røktarassistentar (Yrkis- og alisrøktarar) (Ergo- og fysioterapeutar)
A. nr. 216 af 06.04.1988 om ikrafttræden på Færøerne af lov om
terapiassistenter.
1. Fyrisitingarligir myndugleikar og uppgávur
Myndugleikarnir sambært lógini eru danska Heilsumálaráðið, undirvísingarmálaráðharrin,
danska Undirvísingardirektoratið, Sundhedsstyrelsen
og fútin.
Uppgávan hjá heilsumálaráðharranum sambært fyriskipanini er at
góðkenna yrkis- og alisrøktarar. Tá ið góðkenningin verður givin, verður
mett, um viðkomandi lýkur krøvini til hetta yrki. Danski heilsumálaráðharrin
kann eisini góðkenna tey, sum hava tikið líknandi útbúgving
í øðrum londum. Ráðharrin kann eisini avmarka rættin hjá
fólki at starvast sum yrkis- ella alisrøktari, og hann skipar fyri, at yvirlit
er yvir allar givnar góðkenningar. Heilsumálaráðið virkar eisini sum
kærumyndugleiki sambært hesi fyriskipan.
Uppgávan hjá Undirvísingarmálaráðnum sambært fyriskipanini er
at góðkenna skúlar fyri røktarassistentar og at áseta neyvari reglur um
útbúgvingarnar. Undirvísingarmálaráðharrin kann lata danska Undirvísingarstýrinum
hesar uppgávur. Undirvísingarmálaráðharrin kann
áseta reglur um kærumøguleikar.
Sundhedsstyrelsen hevur til uppgávu at hava eftirlit við røktarassistentum
sambært „lov om sundhedsvæsenets centralstyrelse,“ (sí
omanfyri). Røktarassistentar kunnu skriva frá sær rættin til virki sítt
við at geva Sundhedsstyrelsen boð um hetta. Samstundis missir viðkomandi
góðkenningina. Vil hann hava góðkenningina aftur, skal
hann senda umsókn til Heilsumálaráðið. Missir ein góðkenningina,
almannakunnger Sundhedsstyrelsen hetta.
Uppgávan hjá fútanum er, at um røktarassistentur gerst sekur í
grovari ella endurtakandi misrøkt í starvi sínum, skal fútin átala hetta,
og verður røktarassistenturin tá revsaður við bót ella hefti.
2. Lóggáva
Lógin ásetir reglur um virksemið hjá røktarassistentum í Føroyum.
Økið er felagsmál, og lógin er tí sett í gildi í Føroyum við kongligari
fyriskipan, men er ikki dagførd síðani 1988, av tí at føroyska umsitingin
hevur ikki havt neyðuga arbeiðsorku til tess.
Um lóggávuna annars og samstarvsavtalu við donsku stjórnina, sí
inngangin til kapitlið. Tað, sum har stendur, er galdandi fyri allar
heilsuútbúgvingar.