hvítabók • fylgibind 2 fyrisiting - Løgmansskrivstovan

Inngangur · 9
Tá hesi øki verða umrødd og sagt verður, at føroyskir myndugleikar
við blokkinum rinda fyri tey vegna statin, so er altso talan um formlig
viðurskifti, sum ikki samsvara við ta veruligu mannagongdina. Tí ber
heldur ikki til at siga, at tað verða júst hesi øki, sum t.d. verða rakt
av eini minking í blokkstuðlinum.
Vit hava annars mett, at blokkstuðulin sum heild er ein fíggjar- og
búskaparpolitiskur spurningur, sum ikki eigur at verða viðgjørdur í
sambandi við tey einstøku økini. Hann verður greinaður og viðgjørdur
í síni heild í frágreiðingini frá búskaparnevndini.
3) Tá tað í tekstinum verður tosað um at „yvirtaka“ eitt øki, er týdningurin
ikki tann, sum vit kenna frá heimastýrisskipanini. Tað merkir
her, at økið kemur undir endaligt føroyskt málsræði.
Samskipað arbeiðið millum løgmansskrivstovuna og aðalstýrini hava
Barbara á Tjaldrafløtti, cand. scient., adm. formaður, Bergur Berg,
cand. scient. pol. skrivari og Sjúrður Skaale, cand. scient. pol. kunningarráðgevi.
Samskipað arbeiðið í teimum ymsu aðalstýrunum hava hesi:
Løgmansskrivstovan, Barbara á Tjaldrafløtti, cand. scient. adm. deildarstjóri
Fíggjarmálastýrið, Jóngerð Purkhús, cand. polit., fulltrúi
Fiskimálastýrið, Heðin Weihe, cand. jur. fulltrúi
Vinnumálastýrið, Bjarni Askham Bjarnason, cand. merc., skrivstovuleiðari
Undirvísingar- og mentamálastýrið, Jeanette Blåsvær, cand. scient.
adm. fulltrúi og John Rajani, MBA, fyrrverandi fíggjarfulltrúi og leiðari
á Stuðulsstovninum
Almanna- og heilsumálastýrið, Birita Petersen, cand. jur., fulltrúi