hvítabók • fylgibind 2 fyrisiting - Løgmansskrivstovan

Undirvísingar- og mentamálastýrið · 229
Organization) at tær føroysku útbúgvingarnar eru á altjóða stigi og
lúka tey altjóða krøv, sum IMO setur. Tað er neyðugt, at útbúgvingar
eru gókendar av IMO, um føroysk sjófólk skulu sigla við útlendskum
skipum og við føroyskum skipum, sum sigla uttan fyri føroyskan
sjógv og koma til útlenskar havnir.
Harumframt fevnir avtalan um skrivligar uppgávur til próvtøkuna
hjá skipsførarum, maskinistum og maskinmeistarum, soleiðis at hesar
eru til taks ókeypis hjá føroysku skúlamyndugleikunum. Í onkrum
førum verða próvdómarar úr Danmark nýttir, og verður hetta goldið
av føroyska skúlaverkinum.
Um fullveldi førir til, at vit sjálv skulu fáa okkara útbúgvingar góðkendar
av IMO, skulu Føroyar hava limaskap og umsiting at syrgja
fyri fyrireikingararbeiðinum til góðkenningina.
Útbúgvingar á handilsskúlunum og teknisku skúlunum
Avtalan er um:
• Ókeypis nýtslu av donskum skrivligum próvtøkuuppgávum
• Ókeypis nýtslu av lærugreinaráðgevum til yrkisráðgeving
• Ókeypis sending av reglusavninum og øðrum tilfari frá Uddannelsesstyrelsen
• Hjálp við góðkenning av prógvum í altjóða høpi
Í ávísum førum er trupult at fáa føroysk yrkisfólk at gera próvtøkuuppgávur,
tí fakliga umhvørvið í Føroyum er so lítið. Tá danskar
próvtøkuuppgávur verða nýttar, vera hesar dømdar av donskum próvdómarum.
Uppgávurnar eru ókeypis, men próvdømingin verður goldin
av føroyska skúlaverkinum.
Føroyska skúlaverkið nýtir danskar ráðgevar til ráðgeving, yrkisskeið
o. a. Útreiðslur til ferðing og uppihald hjá lærugreinaráðgevum
í sambandi við skeið verða goldnar av føroyska skúlaverkinum. Alt
annað er ókeypis.
Lóggáva um próvtøkuviðurskifti er reint føroyskt málsøki. Einki er
ásett um, at føroyska skúlaverkið skal nýta danskar próvtøkuuppgávur,
men hetta verður gjørt eftir avtalum millum danska Undirvísingarmálaráðið
og Undirvísingar- og mentamálastýrið. Tað er sostatt
eingin treyt, at slíkar avtalur eru um próvtøkur, men tær eru grundarlagið
undir, at taka føroyskar næmingar upp til danskar útbúgvingar
á jøvnum føti við danskar næmingar.
Lærlingaútbúgvingin
Lærlingaútbúgvingarnar í Føroyum eru um 70 í tali. Talið er eitt sindur
skiftandi. Nýggjar útbúgvingar verða settar á stovn, og aðrar verða
niðurlagdar. Býtið millum útbúgvingarnar er í løtuni soleiðis, at fyri