hvítabók • fylgibind 2 fyrisiting - Løgmansskrivstovan

230 · Hvítabók – Fylgibind 2
handverk og ídnað er talið 52, og fyri skrivstovur, fíggingarstovnar,
heilsøluhandil og smásøluhandil er talið 19.
Lærlingaútbúgvingar eru skiftisútbúgvingar, har lærlingur í umleið
3/4 av lærutíðini er á einum góðkendum læruplássi og umleið 1/4 av
tíðini er í skúla. Útbúgvingartíðin hjá lærlingunum er 2-5 ár, men
flestu handverksútbúgvingarnar taka tó um 4 ár.
Lærlingi er við Løgtingslóg nr. 29 frá 12. oktober 1954 við seinni
broytingum tryggjað minstaløn í allari lærutíðini. Landskassin endurrindar
læruplássunum lærlingaløn undir skúlagongd, tó ikki meira enn
galdandi minstuløn. Somuleiðis endurrindar landskassin læruplássunum
ferðaútreiðslur í standast av kravdari skúlagongd í Danmark. Í
Danmark er tað ikki tað almenna, ið veitir hesi endurgjøld, men harafturímóti
Arbejdsgivernes Elevrefusion.
Í 8 av teimum 52 handverksútbúgvingunum fáa lærlingarnir ta
neyðugu skúlagongdina í Føroyum. Í hinum 44 noyðast lærlingarnir
til Danmarkar. Í 6 av hesum 44 kunnu lærlingar tó taka tað fyrsta
skúlaskeiðið í Føroyum og síðani restina í Danmark.
Allir handilslærlingar og allir skrivstovulærlingar, undantiknir „all
round – skrivstovulærlingar”, hava verið noyddir at taka sergreinaskeiðini
eftir støðisárið á handilskostskúlum í Danmark.
Síðani føroyska lærlingalógin kom í gildi í 1954, og eisini áðrenn
tað, hevur verið galdandi, at føroyskir lærlingar, sum ikki kunnu fáa
skúlagongd í Føroyum, skulu fáa skúlagongdina á tekniskum skúlum
í Danmark. Sambært Rundskrivelse nr. 446 fra Tilsynet med den
tekniske undervisning frá 4. apríl 1962 hevur verið galdandi, at: „Såfremt
undervisningen for et håndværksfag i henhold til §11 i den færøske
lærlingelov helt eller delvis henlægges til en teknisk skole i Danmark, vil
lærlingene fra dette fag kunne få udgifterne godtgjort til de nødvendige
rejser, herunder skib Torshavn-København og tilbage på 2. klasse med
køje. – Spørgsmål om ydelse af befordringsgodtgørelse til andre lærlinge,
hvor læremester og lærling er enige om, at lærlingen bør søge undervisning
ved en teknisk skole i Danmark, og hvor det færøske lærlingeråd
skriftligt anbefaler andragendet, skal i hvert enkelt tilfælde forelægges
tilsynet til forudgående godkendelse.”
Lærlingaundirvísingin á tekniskum skúlum og handilsskúlum í Føroyum
hevur verið fíggjað við 80% úr blokkinum og við 20% frá
kommununum.
Danskir vinnuskúlar, ið taka ímóti føroyskum lærlingum, hava higartil
fingið rakstrarstuðul til undirvísingina, sama um lærlingarnir
høvdu danskan ella føroyskan lærusáttmála. Tað hevur sostatt ikki
verið kravt gjald fyri føroyskar lærlingar á skúlum í Danmark. Heldur
ikki, tá ið tað snýr seg um uppihald. Tann parturin av uppihaldsútreiðslunum,
sum lærlingur sjálvur skal rinda, (uml. 500 kr. um vik-