hvítabók • fylgibind 2 fyrisiting - Løgmansskrivstovan

286 · Hvítabók – Fylgibind 2
Líkskoðan
2. Lóggáva
Økið er felagsmál. Lóggávan er sett í gildi í Føroyum við kongligari
fyriskipan.
Lógin skal tryggja at, farsóttir ikki fáa breitt seg í Føroyum, og at
slíkar sjúkur heldur ikki sleppa til og úr Føroyum til onnur lond. Lógin
krevur stóra umsiting, og talan er um øki við nógvari heilsufakligari
vitan.
Við heimild í lógini eru settar í gildi:
– B. nr. 747 af 14.09.1993 for Færøerne om foranstaltninger mod
smitsomme sygdomme.
– B. nr. 748 af 14.09.1993 for Færøerne om forholdsregler mod
smitsomme sygdomme i skoler og daginstitutioner for børn og unge.
– B. nr. 749 af 14.09.1993 for Færøerne om behandling af lig.
– B. nr. 750 af 14.09.1993 for Færøerne angående smitstof, der er
farligt for menneskers sundhed.
– B. nr. 580 af 04.07.1997 for Færøerne om lægers anmeldelse af
smitsomme sygdomme m.v.
3. Fíggjarlig ábyrgd
Sambært § 28 í lógini rindar heimastýrið allar útreiðslur, ið standast
av lógini, tó við ávísum undantøkum.
A. nr. 534 af 06.09.1988 om ligsyn m.v.
1. Fyrisitingarligir myndugleikar og uppgávur
Fyrisitingarligir myndugleikar sambært hesi lóg eru løgmálaráðharrin,
fútin, landslæknin, Sundhedsstyrelsen, kommunurnar í Føroyum og
løgreglan.
Uppgávan hjá løgmálaráðharranum sambært lógini er fyrst og
fremst at áseta neyvari reglur um líkskoðan. Løgmálaráðharrin skal
t.d. áseta reglur um, at lækni ella líkskoðari ikki kunnu skoða ein
deyðan, sum læknin ella líkskoðarin hava havt serligt tilknýti til. Eisini
skulu neyvari reglur verða ásettar, at líkskoðan kann verða gjørd av
tveimum líkskoðarum undir serligum umstøðum, t.e., at undir serligum
umstøðum er ikki kravt, at lækni skal vera við. Løgmálaráðharrin
kann eisini áseta neyvari reglur um líkviðgerð, og annars neyvari
reglur um líkskoðan og líkskurð í førum, sum ikki eru lýst í lógini.
Rættarlæknaliga líkskoðan gera løgreglan og landslæknin í felag, men
løgmálaráðharrin kann loyva, at aðrir læknar eisini eru við. Rættarlæknaligan
líkskurð ger ein serlækni, sum løgmálaráðharrin tilnevnir.