hvítabók • fylgibind 2 fyrisiting - Løgmansskrivstovan

124 · Hvítabók – Fylgibind 2
Kapittul 3
Aðrar lógir
Fiskaríbankin
L. nr. 54 af 17. 02 1978 om Kongeriget Danmarks Fiskeribank.
Lóggáva: Hetta er ein donsk lóg.
Fyrisiting: Lógin verður umsitin av Landbrugs- og fiskeriministeriet,
og dagligu umsitingina hevur Danmarks Hypotekbank og Finansforvaltning.
Fígging: Fíggjarligu ábyrgdina hava ríkismyndugleikarnir.
Viðmerkingar:
Núverandi samstarv við Danmark og lýsing av krøvum.
Tá ið Føroyar eru sjálvstøðugar, verður eingin donsk lóg galdandi í
Føroyum.
Men føroyingar hava lænt úr Fiskaríbankanum, sjálvt um eingi
nýggj lán eru tikin har leingi.
Skuldu føroyingar havt áhuga at lænt í Fiskaríbankanum, so átti
avtala at verið millum Danmark og Føroyar um hetta.
Íleggingargrunnurin fyri Føroyar
L. nr.28 af 29.01.1964 om en investeringsfond for Færøerne, som
senest ændret ved l. nr. 566 af 16.11.1997.
Lóggáva: Við hesi lóg frá 1964 varð Íleggingargrunnurin fyri Føroyar
stovnaður, og ásett varð, at 10 milliónir krónur skuldu verða rindaðar
í statsstuðli um árið í fíggjarárunum 1964/65 –1969/70. Seinni, frá
1970- 1976, lat danski staturin aftur pening í grunnin.
Ætlanin við grunninum var at fáa til vega pening til láns til størri
almennar íløgur, sum vóru neyðugar og ynskiligar fyri at menna føroyskt
vinnulív.