hvítabók • fylgibind 2 fyrisiting - Løgmansskrivstovan

1.12. Tilbúgving
Vinnumálastýrið · 183
– B. nr. 248 af 25.04.1988 om radioanlæg i forbindelse med den
landmobile tjeneste.
Fyrisitingarmyndugleikar: Lógin vísir til danskan myndugleika, og
danskur myndugleiki umsitur hana. Rakstraravtala er við Fjarskiftiseftirlitið
um at reka virksemið í Føroyum undir navninum: Radioeftirlitið.
Neyðugt verður at byggja upp vitan og royndir í altjóða samstarvi og
samskipan á økinum.
Lóggáva: Talan er um danskar rættarreglur um radiosamskifti og tilluting
av radiofrekvensum, settar í gildi fyri Føroyar. Tørvur er á at endurskoða
lógarøkið. Arbeiðið er longu í gongd og verður ætlandi liðugt í 1999, og
fer tað at verða nøktandi í sambandi við føroyskt málsræði.
Fíggjarviðurskifti: Talan er um inntøkufíggjað virksemi, har brúkararnir
gjalda fyri tænastuna. Sostatt eru eingin krøv um almenna fígging,
um økið kemur undir føroyskt málsræði.
A. nr. 337 af 02.10.1952 hvorved lov om Civilforsvaret sættes i kraft
på Færøerne
Fyrisitingarmyndugleikar: Innanríkismálaráðið, Íbúðarmálaráðið,
Landsstýrið, fútin og kommunurnar.
Í løtuni arbeiðir verkætlanarbólkur undir Vinnumálastýrinum við at
gera eina føroyska tilbúgvingarætlan, og verður sivilforsvarslógin
helst avtikin í sambandi við hetta arbeiði. Ætlanin er ikki at seta
donsku tilbúgvingarlógina í gildi í staðin, tí hon hóskar illa til
føroysk viðurskifti. Helst verður føroysk tilbúgvingarlóg smíðað, og
helst verður brand- og tilbúgvingarøkið samansjóðað, eins og í
Danmark.
Skal føroysk tilbúgvingarætlan verða gjørd, mugu fleiri myndugleikaspurningar
verða greiddir fyrst, tí tilbúgvingarøkið er partvíst danskt,
partvíst føroyskt ábyrgdarøki. T.d. er løgreglan oftast leiðari á skaðastaðnum,
og spurningurin er, um ein føroysk tilbúgvingarlóg kann
áleggja donskum myndugleikum skyldur og krøv. Í verandi støðu er
neyðugt við samráðingum við danskar myndugleikar, áðrenn slík føroysk
tilbúgvingarlóg kann verða gjørd.