hvítabók • fylgibind 2 fyrisiting - Løgmansskrivstovan

Javnstøðumál
3. Fíggjarlig ábyrgd
Landskassin rindar útreiðslurnar sambært lógini.
Almanna- og heilsumálastýrið · 349
L. nr. 52 frá 3. mai 1994 um javnstøðu millum kvinnur og menn.
1. Fyrisitingarligir myndugleikar og uppgávur
Á javnstøðuøkinum virka einans danskir myndugleikar í Føroyum;
men danska ákæruvaldið og danska dómsvaldið í Føroyum hava hvør
sín leiklut á hesum øki. Eftir áheitan frá Javnstøðunevndini hevur
ákæruvaldið til uppgávu at kanna, um grundarlag er undir ákæru fyri
brot á javnstøðulógina, og dómsvaldið skal viðgera tey sakarmál, ið
Javnsstøðunevndin ella ákæruvaldið leggja fyri rættin til støðutakan.
Av føroyskum myndugleikum er tað serliga Javnstøðunevndin, ið
hevur týðandi leiklut. Hon hevur til høvuðsuppgávu at hava eftirlit
við, at javnstøðulógin verður hildin, og at seta ymisk tiltøk í verk, um
lógin ikki verður fylgd.
Annars hava allir almennir og privatir arbeiðsgevarar skyldu til at
hava javnstøðulógina í huga, tá teir seta fólk í arbeiði, løna arbeiðsfólki
ella siga tey úr starvi, eins og teir hava skyldu til at veita Javnstøðunevndini
neyðugar upplýsingar og hjálp í sambandi við arbeiði
nevndarinnar.
2. Lóggáva
Lógin er føroysk løgtingslóg.
3. Fíggjarlig ábyrgd
Landskassin rindar útreiðslurnar sambært lógini.
Bygging, sethúsa- og íbúðarbygging:
Ll. nr. 85 frá 24.10.1978 um rentustudning til samansparing til
húsabygging.
Fyrst skal verða viðmerkt, at øll mál viðvíkjandi íbúðum o.ø. ikki eru
málsøki hjá Almanna- og heilsumálastýrinum; m.a. hoyra leigumál
ikki undir hetta stýrið.
1. Fyrisitingarligir myndugleikar og uppgávur
Eingir danskir myndugleikar hava nakran leiklut á hesum málsøki.
Føroysku myndugleikarnir eru serliga landskassin/landsstýrismaðurin,
Húsalánsgrunnurin og aðrir lánsstovnar. Hesir hava allir til upp-