hvítabók • fylgibind 2 fyrisiting - Løgmansskrivstovan

Almanna- og heilsumálastýrið · 311
gildi fyri Føroyar. Landsstýrismaðurin í almanna- og heilsumálum
hevur eisini verið á fundi við danska heilsumálaráðharran um málið,
men einki er hent enn. Hetta er dømi um, hvussu illa núverandi skipan
um góðkenningarlógir virkar.
Tað er danska Heilsumálaráðið, sum saman við drotningini endaliga
skal undirskriva kongligu fyriskipanina og almannakunngera hana.
Fyriskipanin er sum sagt ikki komin í gildi enn, men verður tó tikin
við her, av tí at hon er samtykt á Løgtingi.
Um lóggávuna annars og samstarvsavtalu við donsku stjórnina, sí
inngangin til kapitlið. Tað, sum har stendur, er galdandi fyri allar
heilsuútbúgvingar.
3. Fíggjarlig ábyrgd
Málsøkið er felagsmál, tað merkir, at fíggjarliga ábyrgdin av málsøkinum
liggur í Danmark.
Um upplýsingar um fíggjarligar avleiðingar annars, sí inngangin til
kapitlið. Tað, sum har stendur, er galdandi fyri allar heilsuútbúgvingar.
Tannrøktarar (Tannpleygarar)
Anording om ikrafttræden på Færøerne af lov om tandplejere.
1. Fyrisitingarligir myndugleikar og uppgávur
Fyrisitingarligir myndugleikar eru undirvísingarmálaráðharrin, heilsumálaráðharrin,
Sundhedsstyrelsen og fútin.
Uppgávan hjá undirvísingarmálaráðharranum er at góðkenna útbúgvingina
fyri tannrøktarar og í samstarvi við heilsumálaráðharran
at áseta neyvari reglur á økinum.
Uppgávan hjá heilsumálaráðharranum er at áseta neyvari reglur um
tannrøktarar og at virka sum kærumyndugleiki, tá ið kært verður um
avgerðir hjá Sundhedsstyrelsen.
Uppgávan hjá Sundhedsstyrelsen er at góðkenna tannrøktarar, eins
og tað kann taka góðkenningina frá teimum. Tannrøktarar kunnu eisini
sjálvir skriva góðkenning sína frá sær í eina ávísa tíð. Fyri góðkenningina
verður goldið eitt gjald, sum heilsumálaráðharrin ásetir. Sundhedsstyrelsen
kann eisini góðkenna tann, sum hevur tikið útbúgving,
sum kann verða javnmett við hana, sum nevnd er omanfyri. Góðkenning
sum tannrøktari kann verða afturtikin og afturgivin eftir reglunum
í „anordning om ikrafttræden på Færøerne af lov om Sundhedsvæsenets
Centralstyrelse.“ Kæra um Sundhedsstyrelsen kann
verða send heilsumálaráðharranum. Sundhedsstyrelsen almannakunnger,
hvør hevur fingið ella mist góðkenning, og hvør hevur skrivað
góðkenning frá sær. Sundhedsstyrelsen kann eisini áseta ávísar