hvítabók • fylgibind 2 fyrisiting - Løgmansskrivstovan

324 · Hvítabók – Fylgibind 2
Uppgávan hjá Almannastovuni er at umsita viðbótina, sum landsstýrismaðurin
í almannamálum ásetir og staðfestir. Avgerðir, sum eru
tiknar sambært hesi lóg, kunnu verða kærdar til kærunevndina í almannamálum.
Upphæddin á viðbótunum verður á hvørjum ári ásett í kunngerð,
sum landsstýrismaðurin í almannamálum staðfestir eftir játtanini á
fíggjarlógini.
2. Lóggáva
Lógin er føroysk løgtingslóg. Sostatt verða eingi krøv í sambandi við
fullveldi sett til hetta øki.
Lógin er ikki umfatað av rammulógini, men verður tulkað sum
partur av pensiónsskipanini. Ætlanin er at seta hesa viðbót til pensiónistar
inn í lógini um almannapensiónir.
Kunngerðir, settar í gildi við heimild í hesi lóg:
– K. nr. 21 frá 06.03.1998 um viðbót til ávísar pensiónistar o.a.,
broytt við K. nr. 54 frá 24.04. 1998 (bert í gildi fyri fíggjarárið
1998).
– K.nr. 3 frá 12.01.99 um viðbót til ávísar pensiónistar o.a.
3. Fíggjarlig ábyrgd
Heimastýrið rindar útreiðslurnar við blokkstuðlinum.
Samsýning fyri at ansa eldri og óhjálpnum heima
Ll. nr. 64 frá 05.06.1984, broytt við Ll. nr. 46 frá 23.03.1993.
1. Fyrisitingarligir myndugleikar og uppgávur
Fyrisitingarligir myndugleikar eru Almannastovan, landsstýrismaðurin
í almannamálum, Føroya gjaldstova og kærunevndin í almannamálum.
Samsýning fyri at ansa eldri og óhjálpum heima verður veitt teimum,
sum krevja støðuga hjálp. Upphæddin á samsýningini er tann
sama sum einkjupensiónsupphæddin. Almannastovan umsitur hesa
lóg, og Føroya gjaldstova rindar samsýningina. Tiknar avgerðir kunnu
verða kærdar til kærunevndina í almannamálum. Landsstýrismaðurin
í almannamálum ásetir neyvari reglur fyri, hvussu henda lóg verður
umsitin.
2. Lóggáva
Lógin er føroysk løgtingslóg og ásetir reglur um serlig tilboð til eldri
og óhjálpin. Hetta er uppi í rammulógini, og føroyska heimastýrið
hevur sostatt uppfylt ein part av rammulógini á hesum øki.