hvítabók • fylgibind 2 fyrisiting - Løgmansskrivstovan

310 · Hvítabók – Fylgibind 2
3. Fíggjarlig ábyrgd
Málsøkið er felagsmál, tað merkir, at fíggjarliga ábyrgdin av málsøkinum
liggur í Danmark.
Um upplýsingar um fíggjarligar avleiðingar annars, sí inngangin til
kapitlið. Tað, sum har stendur, er galdandi fyri allar heilsuútbúgvingar.
Kliniskir kostráðgevar (Kliniskir diætistar)
Anordning om ikrafttræden på Færøerne om kliniske diætister.
1. Fyrisitingarligir myndugleikar og uppgávur
Fyrisitingarligir myndugleikar eru Undirvísingarmálaráðið, heilsumálaráðharrin,
Sundhedsstyrelsen og fútin.
Undirvísingarmálaráðið hevur til uppgávu at góðkenna útbúgvingina
kliniskur kostráðgevi.
Heilsumálaráðharrin hevur til uppgávu at áseta neyvari reglur fyri
útbúgvingina. Heilsumálaráðharrin virkar eisini sum kærumyndugleiki,
tá ið kært verður um avgerðir hjá Sundhedsstyrelsen. Heilsumálaráðharrin
setir eina nevnd, sum skal døma um, um góðkenningar
undir serligum umstøðum kunnu verða góðtiknar.
Sundhedsstyrelsen hevur til uppgávu at tilluta góðkenningar. Góðkenning
má ikki verða tillutað einum, sum verður mettur at vera fólki
til bága í virki sínum, sum kliniskur kostráðgevi. Sundhedsstyrelsen
kann eisini góðkenna tann, sum hevur verið í øðrum londum og fingið
sær líknandi útbúgving sum ta donsku. Góðkenningin sum kliniskur
kostráðgevi kann verða tikin frá einum og givin aftur eftir reglunum
í „anordning om ikrafttræden på Færøerne af lov om Sundhedsvæsenets
centralstyrelse,“ (sí omanfyri). Ein kliniskur kostráðgevi
kann skriva góðkenning sína frá sær í eina ávísa tíð við at geva Sundhedsstyrelsen
boð um hetta.
Uppgávan hjá fútanum er, at um ein kliniskur kostráðgevi gerst
sekur í grovari ella endurtakandi misrøkt í starvi sínum, skal fútin
átala hetta, og verður kostráðgevin tá revsaður við bót ella hefti.
2. Lóggáva
Lógin ásetir krøvini fyri at kunna fáa góðkenning og virka sum kliniskur
kostráðgevi. Lógin kann verða sett í gildi fyri Føroyar við kongligari
fyriskipan, av tí at økið er felagsmál.
Uppskot til ríkislógartilmæli um „Lov om kliniske diætister“ varð
samtykt á Løgtingi í oktober 1997, men kongliga fyriskipanin er enn
ikki komin í gildi, hóast fyriskipanin varð send danska Heilsumálaráðnum
beint eftir samtyktina á Løgtingi, og Almanna- og heilsumálastýrið
síðan tá javnan hevur biðið um at fáa fyriskipanina setta í