hvítabók • fylgibind 2 fyrisiting - Løgmansskrivstovan

296 · Hvítabók – Fylgibind 2
Kapittul 3
Danskar góðkenningarlógir, settar í gildi í
Føroyum við kongligari fyriskipan
Inngangur
Í hesum kapitli verða lýstar allar góðkenningarlógir, (autorisatiónslógir),
sum galda í Føroyum. Góðkenningarlóg er lóg, sum ásetir krøvini
til góðkenning, (autorisatión), av heilsustarvsfólki. Lógirnar áseta
reglur um, hvørji krøv verða sett til útbúgvingina sum heilsustarvsfólk,
hvør hevur rætt til at fáa góðkenning sum heilsustarvsfólk, og
hvørji krøv verða sett teimum, eftir at tey eru góðkend. Sundhedsstyrelsen
hevur fakliga eftirlitið við øllum góðkendum heilsustarvsfólki.
Vart verður gjørt við, at umframt góðkenningarlógirnar, sum
nevndar eru niðanfyri, eru í Danmark eisini lóg um kiropraktorar, um
sálarfrøðingar og um optikarar. Hesar góðkenningarlógir eru enn ikki
settar í gildi fyri Føroyar.
Góðkenningarlógir eru felagsmál, og eru sostatt hvørki yvirtiknar
fyrisitingarliga, lógarliga ella fíggjarliga. Lógirnar verða tí settar í gildi
í Føroyum við kongligari fyriskipan. Ein konglig fyriskipan er fólkatingslóg,
sum verður sett í gildi fyri Føroyar við teimum tillagingum,
sum føroyskar umstøður krevja. Fyriskipanin skal verða samtykt á
Løgtingi, áðrenn hon verður sett í gildi.
Høvuðsfyrisitingina sambært lógunum hava heilsumálaráðharrin og
Sundhedsstyrelsen.
Danska Heilsumálaráðið er ovasti fyrisitingarligi og politiski myndugleiki
á heilsuøkinum í Danmark. Áðrenn Heilsumálaráðið varð
stovnað, vórðu allar tess uppgávur greiddar í Innanríkismálaráðnum.
Har í donskum heilsulógum stendur Innanríkismálaráðið, er tað
sostatt oftast Heilsumálaráðið, sum nú umsitur uppgávurnar.
Í Heilsumálaráðnum arbeiða uml. 160 starvsfólk. Ráðið er skipað í
3 deildir við til samans 8 fakøkjum. Rakstrarjáttanin fyri fíggjarárið
1999 er 103,1 mió. kr.
Sundhedsstyrelsen er stýri undir danska Heilsumálaráðnum og er
samansett av sakkønum á heilsuøkinum. Sundhedsstyrelsen arbeiðir