hvítabók • fylgibind 2 fyrisiting - Løgmansskrivstovan

96 · Hvítabók – Fylgibind 2
3.6 Dómsvaldið
inum í Havn. Varðhaldið verður eisini nýtt sum fangahús fyri fólk, ið
hava fingið upp til 1 ára fongsulsrevsing. Fólk við longri dómum sita
vanliga í donskum fangahúsi, og tá hevur Kriminalforsorgin sosialu
tænastuna har. Farið verður eisini í skúlar kring oyggjarnar at siga frá
virkseminum hjá Kriminalforsorgini, tá biðið verður um tað.
Samstarv við aðrar stovnar
Samstarvsfelagar hjá Kriminalforsorgini eru m.a.: Føroya landfúti,
Landssjúkrahúsið – psyk. deild, Almannastovan, barnaverndir kring
landið, viðgerðarstovnar fyri misnýtslu av rúsevnum, kommunulæknar
og skúlar.
Starvsfólk og bygnaður
Starvsfólkini eru fýra. Deildarleiðarin og forsorgarmedarbeiðarin eru
sosialráðgevar, og harumframt er eitt skrivstovufólk og eitt reingerðarfólk,
ið eru nakrar tímar um vikuna.
Tá tørvur er á fakligari serhjálp ella hjálp til t.d. telduskipanina,
vendir Kriminalforsorgin sær til danska direktoratið. Starvsfólkið er á
somu skeiðum og fær somu undirvísing, sum starvsfelagar í Danmark.
Kostnaður
Stovnurin hoyrir, sum nevnt, undir Direktoratet for Kriminalforsorgen,
og hevur sostatt ikki sjálvstøðuga konto á donsku fíggjarlógini.
Í 1998 kostaði stovnurin 1.041.481 kr. at reka. Tá er alt uppíroknað.
Inntøkur eru ongar.
Niðurstøður
Við støði í lýsingini av Kriminalforsorgini sæst, at talan er um lítlan
stovn, og sigast kann, at tað skuldu ikki verið stórvegis trupulleikar
av, at málið kom undir føroyskt málsræði.
Tó er talan um ávís krøv, t.d. um hvussu virksemið skal verða útint.
Sum er, ger Løgmálaráðið hetta arbeiði.
Fyrisitingarliga verður ikki mett, at tørvur verður á fleiri fólkum,
men talan verður um sama starvsfólkatal, sum forsorgin hevur nú.
Sum er, kostar stovnurin góða millión at reka. Talan kann verða um
at gera samstarvsavtalu við Løgmálaráðið í eini skiftistíð.
Sambært løgtingslóg um grundlógarnevnd skal nevndin, umframt
grundlógararbeiðið, gera uppskot til føroyska rættarskipan. Í viðmerkingunum
frá Landsstýrinum til lógaruppskotið stendur, at nevndin
kann seta ein serligan undirbólk ella undirnevnd at arbeiða burturav