hvítabók • fylgibind 2 fyrisiting - Løgmansskrivstovan

Fiskimálastýrið · 139
Skráseting Føroya umsitur øll skrásetingarmál undir Fiskimálastýrinum,
t.e. bæði skipaskráseting, partafelagslóggávu o.a. Av tí at skipaskráseting
er føroyskt sermál, er tað serliga lóggávan um parta- og
smápartafeløg, vinnurekandi grunnar o.a., sum er viðgjørd í frágreiðingini.
Talan er sum kunnugt um felagsmál, og øll lóggávan er donsk.
Hinvegin verður økið umsitið í Føroyum, og verður somuleiðis fíggjað
í Føroyum við skrásetingargjøldum og yvir fíggjarlógina.
Viðvíkjandi fyrisiting av skrásetingarmálum skal tó verða nevnt, at
verður kært um avgerðir hjá Skráseting Føroya í sambandi við partaog
smápartafelagslógina og lógina um vinnurekandi grunnar, er
Industriministeriets Erhvervsankenævn kærumyndugleiki. Skal hetta
eisini skal verða umsitið í Føroyum, verður mælt til, at kærumyndugleikin
framyvir verður Føroya Kærustovnur, tí kærur av hesum slag
koma so sjáldan fyri, at neyðugt er ikki at skipa serliga fyrisiting bert
til kærumál.
Sambært „lov om Erhvervsdrivende fonde“ skal Erhvervs- og Selskabsstyrelsen
góðkenna, at ein grunnur hoyrir undir lógina, og tí
kann verða skrásettur í Føroyum. Erhvervs- og Selskabsstyrelsen er
grunsmyndugleiki, og Løgmálaráðið skal góðkenna broytingar í viðtøkununum
hjá vinnurekandi grunnum. Mett verður, at Skráseting
Føroya kann vera tann góðkennandi myndugleikin og grunsmyndugleiki.
Møguliga kann løgdeildin á løgmansskrivstovuni góðkenna viðtøkubroytingar.