hvítabók • fylgibind 2 fyrisiting - Løgmansskrivstovan

1.14. Havnir
Vinnumálastýrið · 185
Lóggáva: Danska lógin frá 1965, „fragtaftale ved international vejtransport,“
er lýst at galda í Føroyum. Lógin regulerar góðsflutning
við akfari millum statir, antin til ella úr Danmark ella millum fremmandar
statir, har minst annar teirra hevur tikið undir við Genevesáttmálanum
frá 19. mai 1956 um altjóða fraktflutning eftir landsvegum.
Løgmálaráðið kann geva undantak frá ásetingunum í lógini um
ferðslu um landamørk.
Við fullveldi kunnu føroyingar velja at halda áfram við avtaluni sum
sjálvstøðugur sáttmálapartur við at boða avvarandi myndugleika, sum
umsitur sáttmálan, frá hesum. Hetta hevur ongan meirkostnað við sær.
Fíggjarviðurskifti: Eingi
L. nr. 7 af 30.01.1875 om Udfærdigelse af reglementariske Bestemmelser
for Benyttelsen af Havne m.m. som ændret ved L. nr. 127 af
15.04.1930.
L. nr. 127 af 29.04.1913 om anlæg af Havne m.v. på Færøerne som
senest ændret ved L. nr. 125 af 15.06.1927.
L. nr. 69 af 07.05.1881 om Forpligtelse til Jords Afgivelse til offentlige
Eeie, Havne og Landingssteder, samt til offentlige skoler på Færøerne,
som senest ændret ved MB. nr. 17 af 20.01.1944.
Fyrisitingarmyndugleikar: Vinnumálastýrið og kommunurnar.
Lóggáva: Havnir eru føroyskt málsøki. Rættarreglurnar á økinum eru
danskar, uttan kunngerð um skipa- og vørugjøld fyri havnir og bryggjur
í Føroyum, sum er lýst við heimild í 1875 lógini. Henda lógarheimild
er ógvuliga ivasom, tí hon heimilar ikki kommununum at
áseta skipa- og vørugjøld. At kunngerðin er lýst við heimild í hesi lóg,
er helst tí, at vit ikki hava rættarreglur á økinum annars.
Í lógunum frá 1875 og 1913 verður víst til „Indenrigsministeren,“
„Ministeren for offentlige arbejder“ og „Færø Amts Kommune,“ men
av tí at málsøkið er føroyskt, og lógirnar bert galda í Føroyum, kunnu
tær verða lisnar soleiðis, at „landsstýrismaður“ verður sett inn, har
lógirnar vísa til danskar ráðharrar.
Lógin frá 1875 heimilar innanríkisráðharranum at áseta reglur um
„Overholdelse af orden og forebyggelse af fare ved benyttelse av
havne“ o.s.fr., og at áseta bøtur í hesum sambandi. Lógin frá 1913 er