hvítabók • fylgibind 2 fyrisiting - Løgmansskrivstovan

18 – Hvítabók – Fylgibind 2
Almanna- og heilsumálastýrið · 273
1. Fyrisitingarligir myndugleikar og uppgávur
Fyrisitingarligir myndugleikar sambært hesi lóg eru innanríkisráðharrin,
Sundhedsstyrelsen og føroysku kommunurnar.
Kommunurnar skulu sambært hesi lóg tryggja børnunum í kommununi
at fáa upp til 9 ókeypis, fyribyrgjandi heilsukanningar av lækna.
Av teimum skulu tríggjar vera, áðrenn barnið hevur fylt 1 ár.
Uppgávan hjá innanríkisráðharranum sambært hesi lóg er at áseta
neyvari reglur á økinum og at áseta ta samsýning, sum lækni fær fyri
at gera kanningarnar.
Uppgávan hjá Sundhedsstyrelsen er at áseta neyvari leiðreglur um
kanningarnar og frágreiðingarskyldu sambært lógini.
2. Lóggáva
Økið er partur av arbeiðinum hjá kommunulæknunum, (sí kap. 5).
Lógarliga verður økið regulerað í Danmark. Fólkatingið hevur sett
lógini í gildi fyri alt ríkið, t.e., at eingin avmarking er sett í donsku
lógina um, at hon kann verða sett í gildi í Føroyum við kongligari
fyriskipan. Lógin umfatar tískil eisini Føroyar. Lógin er avtikin í Danmark,
og læknakanningar av børnum verða í staðin reguleraðar í „L.nr.
438 af 14 juni 1995 om forebyggende sundhedsordninger for børn
og unge.”
Henda lóg er ikki sett í gildi fyri Føroyar, men ætlanin er at gera
føroyska løgtingslóg á hesum øki við heimild í rammulógini fyri
heilsuøkið, (sí kap. 5). Av tí at danska avtøkan av gomlu lógini ikki er
lýst í Føroyum, er lógin enn galdandi her sbrt. „L.nr. 735 af 06.12.89
om kundgørelse af love, anordninger og bekendtgørelse på Færøerne.“
Tá ið henda lóg er tilevnað og sett í gildi, verður lóg um læknakanningar
sett úr gildi, og tá hava vit yvirtikið økið sambært § 9 í heimastýrislógini.
Í hesum føri er ikki talan um faklig krøv til eitt ávíst heilsuøki ella
um altjóða standard fyri heilsuøkið, men lógin ásetir bert reglur um
veitingar til borgarar í Føroyum viðv. læknakanningum av børnum.
Donsk kunngerð, sett í gildi sambært galdandi lóg:
– B. nr. 576 af 10.12.1981 om lægeundersøgelse af børn.
3. Fíggjarlig ábyrgd
Sambært lógini verður skipanin umsitin á tann hátt, at kommunurnar
rinda læknunum samsýningina sum forskot. Helvtin av útreiðslunum
hjá kommununum í hesum sambandi verða endurgoldnar av danska
statskassanum, (endurgjaldsskipanin). Sum kunnugt er endurgjaldsskipanin
sett úr gildi sambært avtalu við danir í 1987, og blokkstuðulin
er komin í staðin. Lógin verður tí umsitin á tann hátt, at sam-