hvítabók • fylgibind 2 fyrisiting - Løgmansskrivstovan

SAMSTARVSAVTALUR
Innsetaratrygdargrunnurin
Fíggjareftirlitið
Altjóða samarbeiði
Tíðarhvarv
Fíggjarmálastýrið · 133
Sum nevnt omanfyri, eiga samráðingar at verða tiknar upp við danir
um, at núverandi skipan við innsetaratrygdargrunninum kann halda
áfram á sama hátt sum higartil.
Tað hevði óivað verið hent hjá føroyska fíggjareftirlitinum at havt
samstarvsavtalu við danska fíggjareftirlitið í fyrstani.
Tað eru partar av tílíkum eftirliti, sum serkunnleiki møguliga eigur
at verða keyptur til. Her verður hugsað um peningastovnarnar.
Harafturat kunnu ivamál stinga seg upp, og áðrenn alt er komið í
fasta legu, er hent at hava onkran at spyrja, sum hevur royndirnar.
At her verður skotið upp at keypa serkunnleikan úr Danmark,
kemst av, at danska fíggjareftirlitið hevur havt eftirlitið við peningastovnunum
higartil, og føroyska lóggávan fer at líkjast mest tí donsku,
ið hvussu er eina tíð.
Viðvíkjandi gjaldoyra og fíggjareftirliti eru altjóða samstørv sum t.d.
IMF, Heimsbankin og „Baselnevndin”. Og í ES-samstarvinum er bæði
formligt og óformligt samstarv sum t. d. ráðgevandi bankanevndin hjá
ES, fíggjareftirlitsnevndin hjá ECB, (Evropeiska sentralbankanum) og
óformligi kontaktbólkurin, har londini í EBS eru eygleiðarar.
Støðan hjá Føroyum í hesum samstarvi veldst um, hvussu valutaviðurskiftini
hjá okkum verða skipað, og hvørji lond Føroyar, sum
sjálvstøðugur statur, kemur at gera samstarvsavtalur við. Út frá tí
kunnu vit meta um, hvussu nógv orka eigur at verða nýtt í hesum
samstarvi.
Tað er ikki so, at neyðugt er at vera við frá fyrsta fullveldisdegi.
Tað tekur ikki langa tíð at gera lógirnar, so tær virka sum føroyskar
lógir. Tað kann næstan verða gjørt frá degi til dags. Men banka- og
sparikassalógin og lógin um virðisbrævahandil saman við øllum kunngerðunum
er rúgvismikið lógartilfar, so tað tekur tíð at føroyska og
einfalda lógirnar.