hvítabók • fylgibind 2 fyrisiting - Løgmansskrivstovan

344 · Hvítabók – Fylgibind 2
Royndarskipan fyri eldrarøkt í Sandoynni
Ll. nr. 63 frá 20.05.1996
1. Fyrisitingarligir myndugleiki og uppgávur
Fyrisitingarligir myndugleikar eru landsstýrismaðurin í almannamálum,
Almannastovan, Heimarøktin og kærunevndin í almannamálum.
Fyri at royna at sameina røktarheimsrakstur og heimarøkt hevur
landsstýrismaðurin í almannamálum heimild til at seta í verk royndarskipan
fyri eldrarøkt í Sandoynni. Almannastovan, (Heimarøktin),
umsitur lógina, og avgerðir hennara kunnu verða kærdar til kærunevndina
í almannamálum.
Royndartíðin er sett til 5 1/2 ár og er galdandi til 31. des. 2001.
2. Lóggáva
Lógin er føroysk løgtingslóg.
3. Fíggjarlig ábyrgd
Landskassin rindar útreiðslurnar sambært lógini.
Stuðul til uppihaldsskyldug
Ll. nr. 90 frá 06.06.1997
1. Fyrisitingarligir myndugleikar og uppgávur
Fyrisitingarligir myndugleikar eru landsstýrismaðurin í almannamálum
og Almannastovan.
Landssýrismaðurin hevur heimild til at áseta neyvari reglur sambært
lógini, og Almannastovan umsitur lógina.
2. Lóggáva
Málið við lógini er at veita teimum stuðul, sum tað almenna hevur
álagt at gjalda uppihaldspening til børn yngri enn 18 ár, og sum ikki
búgva hjá uppihaldskylduga. Landsstýrismaðurin í almannamálum
kann áseta neyvari reglur um fyrisitingina av hesi lóg, og við kunngerð
nr. 143 frá sep. 1997 er álagt Almannastovuni at umsita lógina. Avgerðir,
tiknar sambært hesi lóg, kunnu verða kærdar til landsstýrismannin
í almannamálum
Lógin er føroysk løgtingslóg.
3. Fíggjarlig ábyrgd
Landskassin ber útreiðslurnar sambært lógini.