hvítabók • fylgibind 2 fyrisiting - Løgmansskrivstovan

Kapittul 7
Samstarvsavtalur fyri Almanna- og
heilsumálastýrið
Inngangur
Almanna- og heilsumálastýrið · 351
Fyri at fáa eina meira fullfíggjaða lýsing av, á hvørjum økjum samstarvað
verður við danir í dag, og hvønn týdning hetta samstarv hevur
á teimum ymsu landsstýrismálaøkjunum, gjørdi fyrisitingarbólkurin
av, at umframt at lýsa lóggávuna, so skuldu eisini verða lýstar bæði
formligar og óformligar avtalur, sum eru ímillum danska statin og
heimastýrið á økjunum.
Almanna- og heilsumálastýrið sendi skriv út til allar stovnar í stýrinum,
danskar myndugleikar á økinum í Føroyum og áhugafeløg, um
at fáa lýst bæði formligar og óformligar avtalur, sum hesir stovnar og
áhugafeløg hava við danska statin.
Við formligar avtalur verður hugsað um skrivligar avtalur, og við
óformligar avtalur verður hugsað um aðrar munnligar avtalur, har
uppgávurnar eru fíggjarliga tungar ella krevjandi fyri stovnin.
Almanna- og heilsumálastýrið hevur ikki fingið svar frá øllum
stovnum sínum í sambandi við nevnda skriv, men niðanfyri verður
samandráttur gjørdur av svarunum, sum eru innkomin frá stovnum
og áhugafeløgum á almanna- og heilsuøkinum.
STOVNAR UNDIR ALMANNA- OG HEILSUMÁLASTÝRINUM
Almannastovan
Almannastovan hevur ongar formligar avtalur við danir annað enn
tað, sum er staðfest í almannalógunum. Avtalur eru tó við „Den
Sociale Sikringsstyrelse“ í sambandi við umsiting av „Nordisk Konvention
om Social Sikring.“ Samstarvið er ókeypis. Viðmerkt skal
verða, at samstarvað verður eisini við Ísland og Noreg um henda sáttmála,
og hetta er eisini ókeypis.