hvítabók • fylgibind 2 fyrisiting - Løgmansskrivstovan

34 · Hvítabók – Fylgibind 2
lóggávuna á hesum økjum eftir at rammulógirnar á almanna- og
heilsuøkinum eru útfyltar.
2) Lógir, ið snúgva seg um heilsufaklig- og altjóða krøv til heilsuverk.
Hetta er m.a. lóg um „Sundhedsvæsenets Centralstyrelse”. Orsakað
av at lógin setir sera stór krøv til ásetan av heilsufakligum reglum,
ráðgeving av heilsumyndugleikum, eftirlit, serfrøðisligar kanningar og
kæruviðgerð, verður tørvur á stórari umsiting á hesum øki.
Hetta er neyðugt fyri at heilsuveitingarnar í samfelagnum skulu verða
nøktandi og lúka altjóða krøv. Lóg um embætislæknar (herundir
landslæknin), sjúklingatrygging og „Videnskabsetisk komitésystem“
koma eisini undir hendan bólkin. Spurningurin er her, á sama hátt
sum viðvíkjandi góðkenningarlógunum, um tað er ráðiligt at yvirtaka
hesi økini ella um samstarvsavtala í staðin skal gerast við Danmark
ella eitt av grannalondum okkara.
Samstarv við danskar myndugleikar og stovnar
Stovnar undir Almanna- og heilsustýrinum hava bæði formligt og
óformligt samstarv við stovnar og myndugleikar í Danmark. Tað
mesta av hesum samstarvi er ókeypis í dag.
Tann týdningarmesta formliga avtalan, er avtalan millum Sjúkrahúsverkið
og Ríkissjúkrahúsið og onnur sjúkrahús í Danmark. Sjúkrahúsverkið
rindar allar útreiðslur av hesum samstarvi, og tað fer tí ikki
at økja útreiðslurnar, um tað heldur fram.
Hóast apoteksverkið varð yvirtikið í 1948, hevur tað kortini framvegis
formligt samstarv við danskar stovnar sambært løgtingslóg um
apoteksverkið. Hesir stovnar eru m.a. Sundhedsstyrelsen, Statens
Serumslaboratorium og Statens veterinære institut for virusforskning.
Stovnarnir hava stóran sakkunnleika á økinum, sum ikki
finst í Føroyum.
Tær óformligu avtalurnar snúgva seg oftast um tilboð um útbúgving,
skeið, praktikk og vegleiðing til starvsfólk.
Samstarvið við Sundhedsstyrelsen hevur stóran týdning fyri tað føroyska
heilsøkið. Almanna- og heilsumálastýrið mælir tí til, at kannað
verður, um tað er møguligt at fáa eina samstarvsavtalu við danir, sum
tryggjar, at samstarvið við Sundhedsstyrelsen kann halda fram.
Tað er sum heild neyðugt, at samstarvið og samskiftið millum føroyskar
og danskar stovnar á almanna- og heilsuøkinum kann halda
fram. Nógv av hesum er ókeypis í dag, og tað kann hugsast, at teir