hvítabók • fylgibind 2 fyrisiting - Løgmansskrivstovan

Almanna- og heilsumálastýrið · 335
2. Lóggáva
Lógin er donsk, men miðað verður eftir sum skjótast at gera føroyska
lóggávu um skúlalæknaskipan. Lógin er avtikin í Danmark, og skipanin
verður í staðin regulerað í „L.nr. 438 af 14 juni 1995 om forebyggende
sundhedsordninger for børn og unge.”
Kunngerð, sett í gildi sambært lógini:
– B. nr. 240 af 30.04.1986 om skolelægeordning på Færøerne, broytt
við K. nr. 120 frá 19.06.1997.
Henda lóg er ikki sett í gildi fyri Føroyar, men ætlanin er at gera føroyska
løgtingslóg á hesum øki við heimild í rammulógini á heilsuøkinum.
Av tí at avtøkan av lógini um „skolelægeordning“ ikki er lýst
í Føroyum, er lógin enn í gildi hjá okkum sbrt. „L.nr. 735 af 06.12.89
om kundgørelse af love, anordninger og bekendtgørelse på Færøerne.”
Skúlalæknaskipanin er partur av rammuavtaluni frá 1995 við
donsku stjórnina, (sí inngangin), og føroyingar hava tí skyldu at gera
føroyska lóg á økinum í seinasta lagi ár 1999. Ætlanin er at gera eina
líknandi lóg sum donsku lógina um „forebyggende foranstaltninger
for børn og unge.“ Miðað verður ímóti at leggja uppskot til løgtinglóg
fyri Løgtingið í tingsetuni 1999-2000.
3. Fíggjarlig ábyrgd
Sambært § 9 í heimastýrislógini hava danir fíggjarligu ábyrgdina av
økinum. Danir hava tó við ríkislóg latið føroyska heimastýrinum útreiðsluskylduna
á økinum. Sum endurgjald fyri at rinda útreiðslurnar,
fær heimastýrið blokkstuðul.
Sambært løgtingslóg um býtið av almannaútreiðslum, skulu
kommunurnar útvega skúlalæknaskipanini viðtalurúm o.a.
Barna- og ungdómstannrøkt
Ll. nr. 23 frá 06.03.1998 um barna- og ungdómstannrøkt
1. Fyrisitingarligir myndugleikar og uppgávur
Fyrisitingarmyndugleikar sambært lógini eru kommunurnar, landsstýrismaðurin
í heilsumálum og Sundhedsstyrelsen.
Uppgávan hjá kommununum er at tryggja øllum børnum og ungum
undir 16 ár, sum búgva í kommununi, møguleika fyri ókeypis,
fyribyrgjandi og viðgerandi tannrøkt.
Tilboð um kommunala tannrøkt verður givið á almennum tannlæknastovum,
men kommunan kann tó fáa undantaksloyvi frá landsstýrismanninum
at nýta privatan tannlækna, sum kommunustýrið ger