hvítabók • fylgibind 2 fyrisiting - Løgmansskrivstovan

120 · Hvítabók – Fylgibind 2
á virðisbrævamarknaðinum um samanføring av keyps- og sølutilboðum,
clearing og netting og eisini gjaldflutning.
Lógin ásetir eisini reglur fyri sokallað „autoriserede markedspladser,“
sum eru handilsstøð fyri partabrøv í miðalstórum
partafeløgum, sum ikki eru skrásett á virðisbrævabørsi.
Prospektkrøv eru útgreinað í kunngerðum við heimild í lógini.
Eftirlit við marknaðinum hevur Fondsrådet. Innihaldið í marknaðareftirlitinum
er eftirlit við, at virðisbrævaútgevarar halda upplýsingarskyldur
sínar og krøv til upplýsingar um handil á marknaðinum,
(gjøgnumskygni), o.a.
Harafturímóti hevur Fíggjareftirlitið eftirlit við, at solvenskrøvini
hjá virðisbrævahandlarum eru uppfylt, at mannagongdir eru sambært
fyriskipan, eins og Fíggjareftirlitið eisini gevur og tekur aftur loyvi til
virðisbrævahandil.
Samarbeiðið millum Fíggjareftirlitið og Fondsrådet er soleiðis, at
Fíggjareftirlitið er avgreiðsluskrivstova hjá Fondsrådet.
Fyrisiting: Ovasti fyrisitingarligi myndugleiki er danski búskaparmálaráðharrin.
Á ávísum økjum eru fyrisitingaruppgávur latnar danska
fíggjareftirlitinum upp í hendur. Aðrir fyrisitingarmyndugleikar eru
Føroya landsstýri, Skráseting Føroya og Erhvervs- og selskabsstyrelsen.
Fíggjareftirlitið hevur eftirlit við, at lógir og kunngerðir verða
hildnar. Fíggjareftirlitið er eisini avgreiðsluskrivstova hjá Fondsráðnum.
Fondsráðið hevur eftirlit við virðisbrævamarknaðinum.
Fígging: Fíggjarliga ábyrgdin er donsk. Útreiðslum til lógarsmíð og
umsiting hava ríkismydugleikarnir ábyrgdina av, men eftirlitið, sum
liggur á Fíggjareftirlitinum, verður í høvuðsheitum brúkarafíggjað á
tann hátt, at gjaldið verður ásett eftir tí orku, sum brúkt verður til
eftirlit.
Innsetaratrygdargrunnur
L. nr. 367 af 14.06.1995 om en indskydergarantifond som sat i kraft
ved A. nr. 718 af 5.10.1998
B. nr. 754 af 15.09.1995 om indskydergarantifonden som ændret ved
A. nr. 718 af 05.10.1998
B. nr. 117 af 03.02.1997 om samarbejdet mellem Finanstilsynet og
Indskydergarantifonden.