hvítabók • fylgibind 2 fyrisiting - Løgmansskrivstovan

318 · Hvítabók – Fylgibind 2
– K. nr. 65 frá 01.04.1993 um fyriskipan fyri eftirlitsverjar.
– K. nr. 6 frá 25.01.1995 um gjaldsreglur fyri dagstovnar og dagrøkt.
Sambært rammulógini frá 1995 verður miðað ímóti at leggja uppskot
um nýggja barnaforsorgarlóg fyri Løgtingið í tingsetuni 1999-2000.
3. Fíggjarliga ábyrgd
Donsku myndugleikarnir hava við ríkislóg latið føroyska heimastýrinum
útreiðsluskylduna av hesum øki. Sum endurgjald fyri at rinda
útreiðslurnar, fær heimastýrið blokkstuðul.
Barnagjald til einsamallar uppihaldarar o.a.
Ll. nr. 71 frá 20.05.1996, broytt við Ll. nr. 25 frá 14.03.1997.
1. Fyrisitingarligir myndugleikar og uppgávur
Fyrisitingarligir myndugleikar eru Føroya gjaldstova, Almannastovan,
landsstýrismaðurin í almannamálum og kærunevndin í almannamálum.
Uppgávan hjá Føroya gjaldstovu sambært lógini er at rinda barnagjaldið
sum forskot og at krevja gjaldið inn aftur eftir reglunum í §
10 í lógini.
Almannastovan umsitur umsóknir um at fáa uppihaldsgjald í forskoti
og kann í hvørjum einstøkum føri eisini veita stuðul til útreiðslur,
um barnið er sjúkt, ella í sambandi við barnsins dóp, konfirmatión
ella jarðarferð.
Avgerðir hjá Almannastovuni kunnu innan 4 vikur verða kærdar
til kærunevndina í almannamálum.
Landsstýrismaðurin í almannamálum kann áseta neyvari reglur um
fyrisitingina av hesi lóg.
2. Lóggáva
Lógin er løgtingslóg, sum skal veita stuðul til einsamallar uppihaldarar.
3. Fíggjarlig ábyrgd
Donsku myndugleikarnir hava við ríkislóg latið føroyska heimastýrinum
útreiðsluskylduna sambært hesi lóg. Sum endurgjald fyri at
rinda útreiðslurnar, fær heimastýrið blokkstuðul.