hvítabók • fylgibind 2 fyrisiting - Løgmansskrivstovan

46 · Hvítabók – Fylgibind 2
hesum sambandi, at tørvur verður á fimm ársverkum til at røkja
sivilrættarmálini, sum ríkisumboðið nú umsitur. Mælt verður eisini
til, at avtala verður gjørd við ríkisumboðið um, at verandi starvsfólk
hjálpa til við at røkja uppgávurnar í eini skiftistíð upp á um leið
eitt ár.
Fáa føroyingar serligan heimarætt og serliga útlendingalóggávu, so
skal økið eisini umsitast. Ilt er at siga, hvussu stór ein tílík umsiting
skal vera, tí tað hevur ikki eydnast at fingið upplýst, hvussu nógva
orku ríkismyndugleikarnir nýta til mál, ið viðvíkja Føroyum, men
færri enn fýra ársverk kann neyvan verða talan um.
Løgreglan og fútaembætið
Tað størsta av málunum, sum Danmark nú umsitur, er løgreglan, kap.
3.3. Sum er, starvast 152 fólk hjá løgregluni. Rættiliga stór fyrisitingarlig
krøv standast av, at løgreglan kemur undir føroyskt málsræði.
Eisini verður neyðugt at gera samstarvsavtalu við Danmark ella annað
land um eftirútbúgving, kriminaltøkniligar tænastur, sumt kanningararbeiði
o.a., og ynskiligt er at gera samstarvsavtalu við Danmark um
skráseting.
Mælt verður til, at skiftistíðin verður nóg long, so at hóskandi
stundir verða til eitt nú at seta starvsfólk við í leiðslubygnaðinum, og
at neyvari útgreiningar verða gjørdar av løgregluni at kanna, hvussu
stovnurin høgligast kann verða skipaður inn í føroyska samfelagið,
uttan at ov nógv orka verður bundin í yvirskipaðu umsitingini. Her
hevði eisini verið sjálvsagt at kannað, hvussu styrkt kundi verðið um
støðið undir starvsfólkahópinum, við at løgreglan eisini fær aðrar
uppgávur afturat, og um servitan, sum annars ikki kundi verið í landinum,
kundi verið uppbygd, við at løgreglan samstarvaði við aðrar
fyrisitingar á summum økjum.
Varðhaldið
Í varðhaldinum starvast í dag 12 fólk, kap. 3.4. Skipanin er soleiðis,
at fólk, ið eru dømd til fongsul í meir enn eitt ár, sita í fangahúsi í
Danmark. Fangarnir, sum hava sitið í Danmark, hava altíð verið millum
ein og fimm. Til tess at loysa hesa uppgávu, verður mett, at tørvur
verður á at seta fleiri starvsfólk. Hvussu nógv starvsfólk, talan kann
verða um, er ógreitt, tí økið hevur ikki verið gjølligari kannað.
Kriminalforsorgin
Eitt av teimum minnu málunum, sum Danmark umsitur, og sum
verður viðgjørt undir Løgmansskrivstovuni, er Kriminalforsorgin, kap.
3.5. Á Kriminalforsorgini starvast trý fólk. Mett verður, at um
Kriminalforsorg kemur undir føroyskt málsræði, eigur sama skipanin