hvítabók • fylgibind 2 fyrisiting - Løgmansskrivstovan

Undirvísingar- og mentamálastýrið · 235
• Havbotnfrøðiligar kanningar (t.e. kanningar av jarðfrøðiligu viðurskiftunum
omaná og í ovastu jarðløgunum í havbotninum, serliga
við atliti at stabilitetsmetingum og streym- og hitaviðurskiftum
í sjónum, í nýggjari jarðfrøðiligari tíð) verða gjørdar í samstarvi
við GEUS og við GEM-verkætlanina, sum oljufeløgini
standa fyri. Enn er avgerð ikki tikin um, hvaðani fígging fæst til
hesa verkætlan umframt tað, sum oljufeløgini gjalda.
• Kanningar av, hvussu veðurlagsbroytingar kunnu lesast úr landslagnum
á landi og á havbotninum. Jarðfrøðisavnið hevur hesum
viðvíkjandi í fleiri ár havt samband við Geologisk Institut á universitetinum
í Keypmannahavn og stuðlað teirra kanningarliðum
á ferðum til Føroya. Arbeitt verður við at fáa í lag eitt neyvari
samstarv í hesi vísindagrein millum granskarar úr øllum norðurlondum,
sum Norðurlendska Ráðharraráðið skal fíggja.
• Samstarv er um aðrar verkætlanir, sum tó ikki eru bundnar at serstøkum
játtanum.
Ein frágreiðing um søguligu gongdina í samstarvinum millum Danmark
og Jarðfrøðisavnið er til taks á Jarðfrøðisavninum.
Sum ein avleiðing av yvirtøkuni av ráevnum í undirgrundini til
føroysk sermál í 1992 fekk landsstýrið fulla ábyrgd av øllum jarðfrøðiligum
kanningaruppgávum o.ø., ið eru knýttar at hesum málsøki.
Við hesum broyttist uppgávu- og ábyrgdarbýtið millum Danmarks
Geologiske Undersøgelse, DGU og Jarðfrøðisavnið grundleggjandi.
Sum partur av skipanarligu broytingunum á DGU í 1990-árunum
varð Føroya-deildin tikin av, og varð vísindaliga arbeiðið flutt til Danmarkar.
Tó varðveitti stovnurin síni skrivstovuhøli á Náttúrugripasavninum
á Debesartrøð. Tær broyttu umstøðurnar førdu m.a. við
sær, at Náttúrugripasavnið og DGU í 1994 fyri fyrstu ferð gjørdu
formliga sínámillum avtalu, har tað m.a. verður staðfest, at Jarðfrøðisavnið
nú hevur fulla ábyrgd av øllum jarðfrøðiligum arbeiði við atliti
at ráevnum í føroysku undirgrundini, umframt øllum jarðfrøðiligum
goymsluuppgávum Føroyum viðvíkjandi. Arbeiðið hjá DGU skal
stuðla Jarðfrøðisavninum at byggja upp eitt haldgott vísindaligt umhvørvi
í Føroyum, sum skal kunna taka sær av teimum nýggju og
stóru avbjóðingunum.
Í sambandi við donsku lógina frá 20. desember 1995 um „sektorforskningsinstitutioner“
vórðu Danmarks Geologiske Undersøgelser
(DGU) og Grønlands Geologiske Undersøgelse (GGU) løgd saman
til ein nýggjan økisgranskingarstovn (granskingardeild) undir danska
Umhvørvis- og Orkumálaráðnum. Heitið á nýggja stovninum er Danmarks
og Grønlands Geologiske Undersøgelse (GEUS).Við saman-