hvítabók • fylgibind 2 fyrisiting - Løgmansskrivstovan

Almanna- og heilsumálastýrið · 323
2. Lóggáva
Ætlanin við lógini er at áseta upphæddina á fólka-, avlamis- og
einkjupensión og á barnagjaldi. Sostatt eru ásetanin og javnanin av
almannaveitingum burturtikin úr hesum lógum, sum nú bert snúgva
seg um rættin til veitingarnar.
Lógin er føroysk løgtingslóg.
3. Fíggjarlig ábyrgd
Donsku myndugleikarnir hava við ríkislóg latið føroyska heimastýrinum
útreiðsluskylduna sambært hesi lóg. Sum endurgjald fyri at
rinda útreiðslurnar, fær heimastýrið blokkstuðul.
Um uppískoytisveiting til einkjur
Ll. nr. 36 frá 04.05.1977, broytt við Ll. nr. 120 frá 29.12.1983.
1. Fyrisitingarligir myndugleikar og uppgávur
Fyrisitingligu myndugleikarnir eru Almannastovan, kærunevndin í almannamálum
og landsstýrismaðurin í almannamálum.
Sambært løgtingslóg um uppískoytisveiting til einkjur hevur Almannastovan
til uppgávu at umsita lógina. Kærunevndin í almannamálum
er kærumyndugleiki, og Almanna- og heilsumálastýrið skal
sambært lógini áseta neyvari reglur um uppískoytisveiting
2. Lóggáva
Lógin er løgtingslóg og er ætlað til at veita einkjum eitt ískoyti, tá ið
rætturin til einkjupensión fellur burtur, tí at einkjan ikki hevur børn
undir 18 ár.
Lógin er innarbeidd í nýggja uppskotið til løgtingslóg um almannapensiónir
og fellur tí burtur, tá ið henda kemur í gildi.
Lógin er ikki beinleiðis umfatað av rammulógini, men verður tulkað
sum partur av pensiónsskipanini.
3. Fíggjarlig ábyrgd
Heimastýrið rindar útreiðslurnar við blokkstuðlinum.
Viðbót til ávísar pensiónistar o.a.
Ll. nr. 35 frá 16.04.1997
1. Fyrisitingarligir myndugleikar og uppgávur
Fyrisitingarligir myndugleikar eru Almannastovan, landsstýrismaðurin
í almannamálum og kærunevndin í almannamálum.