hvítabók • fylgibind 2 fyrisiting - Løgmansskrivstovan

Undirvísingar- og mentamálastýrið · 239
stuðul, og hetta kann saman við teimum 35 mió. kr., sum beinleiðis
eru settar av á donsku fíggjarlógini til gransking av føroyskum og
grønlendskum viðurskiftum, fáa rættiliga stóran fíggjarligan týdning
fyri føroyska gransking.
4.10. Listasavn Føroya
4.11. Niðurstøður
Listasavnið hevur samband við danska stovnin Fælleskonserveringen
um umvæling av list. Hesin stovnur, sum tey almennu donsku listasøvnini
í felag eiga og reka, hevur verkstaðir í Århus og Helsingør við
serkønum listumvælarum. Listasavnið er ikki limur í hesum felagsskapi,
og hevur ikki nakra formliga avtalu. Men Listasavnið hevur
kortini latið nøkur av listaverkum sínum umvæla á hesum verkstøðum
eftir sera lagaligari avtalu.
Eftir fullveldi eiga samstarvsavtalur at verða gjørdar um umvæling
av list, ella eigur ein slíkur verkstaður at verða gjørdur fyri føroysku
søvnini (Landsskjalasavnið, Landsbókasavnið, Fornminnissavnið, Jarðfrøðisavnið
og Listasavnið). So kundu arbeiðsuppgávur og serkunnleiki
verið savnað á einum staði.
Samanumtikið kann verða sagt, at tað á nærum øllum økjum eru
samstarvsavtalur við danskar stovnar. Hetta samstarv eigur at halda
fram, eftir at Føroyar hava fingið fullveldi. Mett verður best, at stovnar
sjálvir skipa hetta samstarv, fyri at tryggja okkum, at alt neyðugt
samstarv heldur fram eftir fullveldið.
Av serligum týdningi er niðanfyri nevnda samstarv:
Fyri Vinnu- og Miðnámsútbúgvingarnar verður mett, at eingin treyt
er, at avtalur eru við danska Undirvísingarmálaráðið um próvtøkur,
men tær eru grundarlagið undir, at føroyskir næmingar verða tiknir
upp til danskar útbúgvingar á jøvnum føti við danskar næmingar.
Fyri útbúgvingarnar, sum fara fram á Føroya Sjómansskúla og
Maskinmeistaraskúlanum er avtala millum Søfartsstyrelsen og Undirvísingar-
og mentamálastýrið. Avtala er fyrst og fremst um danska
góðkenning av føroyskum prógvum, soleiðis at føroysk prógv verða
viðurkend á altjóða støði. Søfartsstyrelsen tryggjar IMO (International
Maritime Organization), at tær føroysku útbúgvingarnar eru á
altjóða støði og lúka tey altjóða krøv, sum IMO setur. Tað er neyðugt,
at útbúgvingar eru gókendar av IMO, um føroysk sjófólk skulu sigla
við útlendskum skipum, og við føroyskum skipum, sum sigla uttan