hvítabók • fylgibind 2 fyrisiting - Løgmansskrivstovan

152 · Hvítabók – Fylgibind 2
Lógin
“Anordning nr. 247 af 3.5.1993 om ikrafttræden for Færøerne af lov
om erhvervsdrivende fonde,“ sum er sett í gildi í Føroyum sambært
§ 65 stk. 3 í „lov nr. 286 af 6. juni 1984 om erhvervsdrivende fonde
med senere ændringer.”
Lógarøkið er felagsmál sambært heimastýrislógini. Málið er ikki
yvirtikið, men fyrisitingarliga og fíggjarliga er tað føroyskt.
Lóggávan: Lógin við kunngerðum er sett í gildi fyri Føroyar við kongligari
fyriskipan 1.1.1994.
Fyrisiting: Fyrisitingarligi myndugleikin sambært hesi lóg er Skráseting
Føroya. Sambært lógini skal Erhvervs- og Selskabsstyrelsen taka
avgerðir í summum førum, t.d. um fráboðaður grunnur hoyrir undir
lógina, og í summum førum skal løgmálaráðharrin taka avgerð, t.d.
geva loyvi til at grunnur kann gera broytingar í viðtøkum.
Lógin heimilar Landsstýrinum at gera kunngerðir um gjøld fyri
ymsar tænastur.
Kærumyndugleiki um summar avgerðir hjá Skrásetingini er
Industriministeriets Erhvervsankenævn.
Uppgávan hjá Skráseting Føroya sambært hesi lóg er fyrst og
fremst at skráseta vinnurekandi grunnar. Bæði tá ið hesir verða
stovnaðir og seinni broytingar í ymsum viðurskiftum hjá hesum
grunnum.
Fígging: Økið verður fíggjað á fíggjarlógini, tó partvíst brúkarafíggjað
við gjøldum fyri skráseting.
Lógin
“Anordning nr. 248 af 3.5.1993 om ikrafttræden for Færøerne af lov
om visse selskabers aflæggelse af årsregnskab m.v.,“ sum er sett í gildi
í Føroyum sambært §68 í „lov nr. 284 af 10. juni 1981 om visse selskabers
aflæggelse af årsregnskab m.v. med senere ændringer.”
Lógarøkið er felagsmál sambært heimastýrislógini. Økið er ikki
yvirtikið, men fyrisitingarliga og fíggjarliga er tað føroyskt.
– A. nr. 248 af 03.05.1993. Anordning om ikrafttræden for Færøerne
af lov om visse selskabers aflæggelse af årsregnskab m.v.
– Bekendtgørelse nr. 1053 af 17.12.1993 for Færøerne om opstilling
af årsregnskab og koncernregnskab og om udarbejdelse af koncernregnskab.
– Bekendtgørelse nr. 1054 af 17.12.1993 for Færøerne om opstilling
af årsregnskaber m.v. til den færøske registreringsmyndighed.