hvítabók • fylgibind 2 fyrisiting - Løgmansskrivstovan

50 · Hvítabók – Fylgibind 2
Eisini verður roknað við, at tørvur verður á átta fólkum at arbeiða
við løgfrøðiligum málum.
Talvan niðanfyri lýsir virkisøkini, talið á starvsfólkum, sum nú
arbeiða við málunum, talið á starvsfólkum, sum kunnu koma upp á
tal at seta, og kostnað fyri hesi umframt kenda kostnað fyri, hvat tað
kostar at fáa málini at virka undir verandi skipan.
Lesarin skal geva gætur, at arbeitt er ikki við møguligum broytingum
og fullnýtslu á teim økjum, sum nú eru í Føroyum.
Virkisøki Verandi Nýggj Kendur
starvsfólk starvsfólk kostnaður í mió. kr
1. Løgmál 8 2,4
2. Uttanlandsmál 3/36 1,5/35
3. Sivilmál 5 1,5
4. Løgregla og fútaembætið 152 4 47,0
5. Varðhaldið 12 4,0
6. Kriminalforsorgin 3 0,5 1,2
Í alt 172 15,5/48,5 57,6/91,1
Sum sæst á talvuni, kann kostnaðurin í styttri áramál liggja um gott
57 mió. kr. og í eitt longri áramál um 91 mió. kr. ella hægri. Harumframt
skal roknast við einum meirkostnaði til fjalda kostnaðin hjá
løgregluni á um leið 18 milliónir, og limagjøld til millumríkjafelagsskapir
á millum 6 og 13 milliónir.
Tó er sera torført at siga nakað ítøkiligt um, hvussu og nær útreiðslurnar
koma, tí tað veldst alt um, hvussu og nær málini hvørt
sær koma undir føroyskt málsræði. Harafturat er ikki vist, at allar
útreiðslur verða so stórar, sum her er mett. Hetta kann t.d. vera tí, at
tað fer ikki at kosta einum landi ella stovni serliga nógv at veita tænastur
á økjum, har tey hava eyka kapasitet, og at lond eisini kunnu
hava aðrar orsøkir til at vilja gera avtalur um tænastur, sum liggja
undir matematiskt roknaðan kostnað.
Viðmerkt verður í hesum sambandi, at tess meira tíð, fyrisitingin
hevur til at fyrireika seg til at taka við nevndu málsøkjum, tess betri
eru líkindini fyri væleydnaðari fyrisiting. Mælt verður tí til, at fyrisitingin
verður útbygd so við og við, til komið er á mál, og at
útbyggingarætlanin verður samskipað fyri øll økini, so at líkindi eru
fyri, at økini av fyrstan tíð eru mannað við skikkaðum fólki, (sí eisini
tað, sum stendur seinast í niðurstøðunum av kap. 2.1).