hvítabók • fylgibind 2 fyrisiting - Løgmansskrivstovan

116 · Hvítabók – Fylgibind 2
Um lógir í bólki 1
Um lógir í bólki 2
Lógirnar um: 1) bankar og sparikassar, 2) virðisbrævahandil 3), virðisbrævameklarafeløg
og 4) íløgufeløg, (investeringsforeninger), eru so
at siga ein heild, sum lagar donsku rættarreglurnar til ES-fyriskipanirnar
um íløgutænastur 1 og íløgustovnar 2 . Samanskrivað fyriskipan
og greining av søguligu gongdini á økinum eru í „Direktivsammenskrivning
og Direktivsamling,“ sum danska fíggjareftirlitið gav út í
august 1995.
Eyðkent fyri lóggávuna í bólki I er, at hon er lagað eftir teimum
minstukrøvum, sum Danmark sum limur í ES hevur bundið seg til.
Her er tað serliga lógin um bankar og sparikassar og virðisbrævahandil,
sum er týðandi. Men á økinum er eisini onnur týdningarmikil lóggáva,
ið ikki er í gildi í Føroyum, men sum átti at verið tað, um lóggávan
á økinum skal vera sambærilig við lóggávuna í londunum uttan
um okkum. Serliga skal verða víst á tvær lógir, sum áttu at verið settar
í gildi:
L. nr. 476 af 10.6.1997 om investeringsforeninger og specialforeninger
og
L. nr. 1071 af 20.12.1995 om fondsmæglerselskaber.
Arbeitt verður við at seta hesar lógir í gildi, so alt týðandi fíggjarvirksemi
verður skipað við lóg.
Lógin um værdipapircentral er ótíðarhóskandi, við tað at hon ikki
samsvarar við virðisbrævahandilslógina, sum m.a. avmarkar virkisøkið
hjá virðisbrævasentralum og sum m.a. ásetir, at ein virðisbrævasentralur
skal verða skipaður sum partafelag. Roknast má tí við, at lógin um
værdipapircentral verður sett úr gildi í Danmark, tá ið VP verður umskipað
til partafelag. Tá er eisini ætlanin, at lógin skal fara úr gildi í
Føroyum.
“Lov om oplagshuse“ er frá 1866 og er í gildi enn bæði í Danmark og
Føroyum. Í Lógbók fyri Føroyar sæst lógin ikki at vera broytt síðan
1930. Lógin er gomul, ótíðarhóskandi og lítið ella einki brúkt.
“Lov nr. 156 af 02.05.1934 om visse spare- og udlånsvirksomheder“ er
1 Fyriskipan um íløgutænastur, 93/22/EØF
2 Fyriskipan um íløgustovnar, 86/611/EØF