hvítabók • fylgibind 2 fyrisiting - Løgmansskrivstovan

206 · Hvítabók – Fylgibind 2
4.8. Postmál
Statens Bilinspektion: Fakligt samstarv. Statens bilinspektion er eftirlitsmyndugleiki
í Danmark, eins og Bileftirlitið er í Føroyum. Danir
hava munandi fleiri starvsfólk enn Bileftirlitið, og harvið er førleiki
teirra betri og breiðari, og hetta kemur Bileftirlitinum til góðar hvønn
dag.
Ríkisløgreglan: Ferðslumál. Í Danmark er løgreglan skrásetingarmyndugleiki
fyri akfør. Nógv samskifti og samstarv fer dagliga fram
millum Bileftirlitið og donsku løgregluna í sambandi við bilar, sum
verða fluttir millum londini.
Koyrikortsmál. Í Danmark er løgreglan koyrikortsmyndugleiki. Í
sambandi við at fólk flytur millum londini, er tætt samstarv um
koyrikortsmál.
Heilsustýrið: Koyrikortsmál. Í sambandi við koyrikortsmál eru árliga
uml. 500 mál, sum krevja víðkaða, heilsuliga sakarviðgerð. Málini
verða send landslæknanum, (danskur myndugleiki í Føroyum), til
støðutakan, og av hesum verða uml. 100 send danska heilsustýrinum
til viðgerðar og støðutakan, av tí at landslæknin sær seg ikki føran fyri
at viðgera málini.
Samstarvið er kostnaðarmikið og fakliga krevjandi. Ilt er at meta um
fíggjarligu og fakligu orkuna, sum skulu til, um málini verða føroysk.
Postverk Føroya
Formligt samstarv
PostDanmark: Skrivlig avtala um avrokning og kvalitetsrelateraða avrokning
av brævaposti. Avtalurnar eru ikki kostnaðarmiklar.
Føroya vegna tekur PostDanmark sær av altjóða samskiftinum við
heimspostfelagið UPU, Evropeiska postfelagsskapin og NordPost.
Hetta samstarv verður heldur ikki mett at vera kostnaðarmikið.
Rammuavtala um peningahandlar við 15 undiravtalum. Avtalað er,
hvørjar tænastur, samstarvað verður um. Avtalan er ikki kostnaðarmikil.
Handilsavtala millum PostDanmark og Postverkið um, at føroyskar
frímerkjaársmappur verða seldar í Danmark, og at Føroyar selja
donsk frímerkju í USA ígjøgnum føroysku umboðini har.
Óformligt samstarv
Einki