hvítabók • fylgibind 2 fyrisiting - Løgmansskrivstovan

Fleirtjóða samstarv
Samandráttur og niðurstøður · 27
tað er umráðandi, at samstarvið við Danmark kann halda áfram.
Vinnumálastýrið mælir tí til, at hetta verður tryggjað í einum
protokollati millum londini, tá samráðingarnar verða um skiftistíðina.
Við fullveldinum fara úr gildi teir fleirtjóða sáttmálar, sum galda á
vinnuøkinum í Føroyum.
Vinnumálastýrið heldur vera neyðugt, at teir sáttmálar, sum niðanfyri
eru nevndir, fáa gildi fyri Føroyar beinanvegin.
WTO-sáttmálin. Hann kom fyri GATT-sáttmálan í 1995 og fevnir
um vøru- og tænastuhandil millum lond. Hvat viðvíkir kostnaðinum
av at vera við sum sjálvstøðugt land, vísir Vinnumálastýrið til metingarnar
hjá Løgmansskrivstovuni um, hvat luttøka í neyðugum, altjóða
samstarvi fer at kosta.
ITU-sáttmálin. Hann leggur karmarnar fyri alheims fjarskiftisfelagsskapin
við sama navni. Tað er umráðandi at vera við her, so at vit
kunnu vera við í menningin á hesum øki. Limagjaldið er 150.000 kr.
um árið.
IMO-sáttmálin. Hann er viðkomandi fyri nógv øki. Hjá Vinnumálastýrinum
er neyðugt at vera við í hesum sáttmála, av tí at felagsskapurin
tekur sær av neyð- og trygdartænastu á havinum. Sum er, veitir
Føroya Tele hesa tænastu, men Tele Danmark rindar fyri hana. Prísurin
er í løtuni 6 mió. kr. árliga, men fer væntandi at minka.
Sum nevnt, verður harafturat neyðugt, at Føroyar gerast limir í altjóða
loftferðslustovninum ICAO. Limagjaldið her verður ásett eftir
íbúgvatali, og vit skulu rinda um leið 11.000 kr. árliga. Umsitingin av
limaskapinum verður dýrari, og fer helst at kosta einar 200.000 kr.
árliga.
5. Undirvísingar- og mentamálastýrið
Tað mesta av málsøkinum undirvísing og mentan er heilt ella partvíst
yvirtikið av heimastýrinum, og stýrið metir tí ikki, at fullveldisætlanin
fer at hava við sær stórvegis trupulleikar av lóggávu og fyrisiting á økinum.
Hinvegin er at kalla øll læra og útbúgving í Føroyum tætt knýtt at
donskum myndugleikum og stovnum, eins og føroyingar kunnu útbúgva
seg ókeypis í Danmark. Hetta hevur stóran týdning, bæði fak-