hvítabók • fylgibind 2 fyrisiting - Løgmansskrivstovan

290 · Hvítabók – Fylgibind 2
– B. nr. 740 af 11.09.1995 for Færøerne om Landslægens virksomhed.
3. Fíggjarlig ábyrgd
Danir hava fíggjarligu ábyrgdina av økinum. Myndugleikarnir sambært
lógini eru fyri ein part í Danmark og fyri ein part danskir myndugleikar,
sum starvast í Føroyum og eru danskt løntir.
Sundhedsvæsenets Centralstyrelse
A. nr. 634 af 20.07.1995 om sundhedsvæsenets centralstyrelse m.v.
1. Fyrisitingarligir myndugleikar og uppgávur
Fyrisitingarligir myndugleikar sambært fyriskipanini eru Sundhedsstyrelsen,
heilsumálaráðharrin, Sundhedsvæsenets Patientklagenævn
og Statens Seruminstitut.
Síðan Heilsumálaráðið varð stovnað, hevur ráðið havt tær uppgávur,
sum Innanríkisráðið hevur sambært fyriskipanini. Tí verður heilsumálaráðharrin
settur í staðin fyri innanríkisráðharran í lýsingini niðanfyri.
Uppgávan hjá heilsumálaráðharranum sambært fyriskipanini er at
áseta neyvari reglur á økinum og at virka sum kærumyndugleiki.
Heilsumálaráðharrin velur formannin og næstformannin til Patientklagenævnet
og ásetir eisini neyvari reglur fyri tað. Heilsumálaráðharrin
setir eisini hinar limirnar eftir tilmæli frá Amtsrådsforeningen
í Danmark, Keypmannahavnar kommunu, Frederiksbergs kommunu
og De samlede invalide organisationer. Limirnir verða valdir soleiðis
hvørja ferð, kommunuval er. Harumframt hevur heilsumálaráðharrin
ta uppgávu, at hann, tá ið fólk vil hava eina frátikna góðkenning,
(autorisatión), aftur, kann geva hesum fólki góðkenningina aftur, tá
ið tær umstøður, sum frátøkan varð grundað á, ikki longur eru til
staðar.
Uppgávurnar hjá Sundhedsstyrelsen sambært fyriskipanini eru hesar:
• Ráðgeva og hjálpa teimum ymsu ráðharraráðunum við miðfyrisiting
á heilsuøkinum.
• Fylgja við í heilsustøðuni í ríkinum og halda seg kunnaðan um
fakligu vitanina á heilsuøkinum.
• Tá ið Sundhedsstyrelsen gerst varugt við brot ella tørv á heilsuøkinum,
skal tað kunna avvarðandi myndugleikar og almenningin
um hetta.
• Ráðgeva myndugleikum um spurningar á heilsuøkinum.
• Sundhedsstyrelsen hevur eftirlit við heilsufakliga virkseminum,