hvítabók • fylgibind 2 fyrisiting - Løgmansskrivstovan

332 · Hvítabók – Fylgibind 2
styrelsen, sum umvegis landslæknan hevur eftirlit við kommunulæknum
sum fakbólki, eins og tað hevur eftirlit við øðrum heilustarvsfólki.
2. Lóggáva
Galdandi lóg á økinum er donsk lóg, sum er sett í gildi í Føroyum í
1927. Sum øll onnur heilsuøki, fylgir kommunulæknaøkið oftast
donskum vegleiðingum og rundskrivum. Hetta er neyðugt, fyri at vit
kunnu hava eitt dagført heilsuøki í Føroyum.
Donsk kunngerð, sett í gildi sambært galdandi lóg:
– B. nr. 262 af 09.10.1915 om Instruks for Mæglingsrådet for
kommunal lægehjælp.
Nýtt uppskot til føroyska løgtingslóg um kommunulæknar er lagt
fram fyri Løgtingið í tingsetuni 1998-99. Verður uppskotið samtykt,
hava føroyingar endaliga yvirtikið lógarligu ábyrgdina av økinum.
3. Fíggjarlig ábyrgd
Sambært § 9 í heimastýrislógini hava danir fíggjarligu ábyrgdina av
økinum. Danir hava tó við ríkislóg latið føroyska heimastýrinum útreiðsluskylduna
á økinum. Sum endurgjald fyri at rinda útreiðslurnar,
fær heimastýrið blokkstuðul.
Landsstýrið rindar sostatt kommunulæknunum eina grundupphædd,
og tað, sum vantar í, fáa kommunulæknarnir frá sjúkrakassunum.
Grundupphæddin verður javnað eftir donskum reglum. Hetta
kemst av, at kommunulæknar hava ongan setanarsáttmála við landið.
Hetta verður broytt sambært nýggja uppskotinum um kommunulæknalóg.
Útreiðslubýtið ímillum land og kommunu verður staðfest í løgtingslóg
um býti av Føroya parti av løn kommunulæknanna, (sí meira
í kap. 6).
Heilsusystratænastan
Ll. nr. 87 frá 06.06.1997 um heilsusystratænastuna.
1. Fyrisitingarligir myndugleikar og uppgávur
Fyrisitingarligir myndugleikar eru landsstýrismaðurin í heilsumálum
og Sundhedsstyrelsen.
Uppgávan hjá landsstýrismanninum í heilsumálum er at áseta
neyvari reglur um heilsusystraskipannina.
Uppgávan hjá Sundhedsstyrelsen er at áseta reglur um frágreiðingarskyldu
hjá heilsusystratænastuni og at gera leiðbeinandi reglur