hvítabók • fylgibind 2 fyrisiting - Løgmansskrivstovan

5 – Hvítabók – Fylgibind 2
Løgmansskrivstovan · 65
hildið verður, at donsku myndugleikarnir eru teir einastu í Føroyum,
sum hava serkunnleika á økinum. Ein onnur orsøk kann vera, at
donsk lóggáva hevur fyrr verið á økinum, og í sambandi við yvirtøkuna
hevur heimastýrið hildið tað verið skilagott framhaldandi at latið
teir myndugleikar, ið hava royndirnar, umsita økið.
Sum dømi um slíka lóggávu eru at nevna ásetingarnar í lógunum
niðanfyri, ið allar vísa til danskar myndugleikar. Gjørt verður vart við,
at har víst verður til dóms- og løgregluvaldið sum dóms- og løgregluvald,
er hetta ikki nevnt.
Niðanfyri verða nevndar tær løgtingslógir, ið hava tilvísingar til
danskar myndugleikar, og sum Løgmansskrivstovan fyrisitir.
Byggi og býarskipanir – friðing
Ll. nr. 13 frá 21.05.1954 um býarskipanir og byggisamtyktir / om
byplaner og byggevedtægter, seinast broytt við Ll. nr. 57 frá
13.05.1997. (Eisini broytt við Ll. nr. 59 frá 05.06.1984 og Ll. nr.
80 frá 13.06.1995).
Viðmerkingar:
– Í grein 15 verður ásett ein metingarnevnd, sum skal meta um endurgjaldsupphæddina
í ósemjum um ognartøku. Í nevndini eru tveir
limir, valdir av dómsvaldinum. Standa atkvøðurnar á jøvnum, kemur
sýslumaðurin í teirri sýslu, sum málið er úr, í nevndina sum avgerðarmaður.
Kommunuval
Ll. nr. 44 frá 19.06.1972 um val til allar føroyskar kommunur/om
valg til samtlige færøske kommuner, seinastu ferð er broytt við Ll.
nr. 105 frá 09.11.1984.
Viðmerkingar:
– Í grein 22 er ásett, at ríkisumboðsmaðurin kann bera seg undan at
taka við vali til býráðið.
Lóggáva
Ll. nr. 109 frá 17.12.1987 um alment kunngerðablað / om en offentlig
kundgørelsestidende, broytt við Ll. nr. 47 frá 30.03.1990.
Viðmerkingar:
– Í grein 6 er ásett, at Landsstýrinum er heimilað eftir avtalu við ríkisstýrið
ella ríkismyndugleikar og aðrar myndugleikar at seta lógir,
kunngerðir, lýsingar o.tíl. í kunngerðablaðið.
Landsstýrið
Ll. nr. 132 frá 10.06.1993 um fyrisitingarlóg.