hvítabók • fylgibind 2 fyrisiting - Løgmansskrivstovan

Løgmansskrivstovan · 67
myndugleikum, seinast broytt við Ll. nr. 51 frá 13.05.1997 (Eisini
broytt við Ll. nr. 113 frá 20.12.1991, Ll. nr. 72 frá 02.04.1993,
Ll. nr. 124 frá 21.05.1993, Ll. nr. 35 frá 24.03.1994 og Ll. nr. 86
frá 15.06.1994.)
Viðmerkingar:
– Í grein 22 um Skrásetingareftirlitið er ásett, at Skrásetingareftirlitið
eisini ger arbeiði sambært § 32 í lóg nr. 294 frá 8. juni 1978 „om
offentlige myndigheders registre vedrørende registre på Færøerne, der
føres for rigsmyndighederne.
– Í § 23 eru ásettar reglur fyri skráir, førdar av ríkismyndugleikunum.
Niðurstøða
Fullveldi ber við sær, at nakrar lógardagføringar skulu verða gjørdar á
økinum. Eitt nú skulu donsku lógirnar um fyrisitingarlóg, innlit í fyrisitingina
og skrásetingarlógin setast úr gildi. Grein 6 í lógini um alment
kunngerðablað verður somuleiðis sett úr gildi. Fútaembætið
kann eisini røkja uppgávurnar sambært løgtingslógini um vápn eftir
fullveldi, og verður tí eingin broyting á hesum øki.
Mett verður ikki, at hesar broytingar kosta nakað.
2.3 Formligt og óformligt samstarv millum føroyskar og danskar
myndugleikar
Umframt tað rættarliga samstarv, sum er millum føroyskar og danskar
myndugleikar, er eisini talan um formligt og óformligt samstarv á
ymsum stigum millum myndugleikarnar.
Niðanfyri verður í stuttum lýst tað formliga og óformliga samstarv,
sum er millum Løgmansskrivstovuna og danskar myndugleikar.
Uttanríkismál
Føroyskir og danskir myndugleikar samstarva bæði formliga og
óformliga um uttanríkismál.
Formliga samstarvið fevnir um hesi samstarvsøki:
• Skipanin við einum serkønum embætisfólki í føroyskum viðurskiftum
í danska uttanríkismálaráðnum sambært heimastýrislógini.
• Ávísar starvssetanir av føroyskum embætisfólkum í danska uttanríkismálaráðnum
og tess sendistovum sambært heimastýrislógini.
• Skipan av føroyskum samráðingarnevndum sambært heimastýrislógini.
• Ummæli av millumlandasáttmálum sambært heimastýrislógini.
• Ein uttanríkismálanevnd, myndað av embætisfólkum úr Løg-