hvítabók • fylgibind 2 fyrisiting - Løgmansskrivstovan

26 · Hvítabók – Fylgibind 2
hetta umsitið av Patentdirektoratet o.ø. Í Føroyum kundi Skráseting
Føroya sitið fyri økinum, men neyvan er grundarlag hjá okkum undir
einum patentstovni. Tí verður helst eisini neyðugt at gera samstarvsavtalu
við onnur lond um eitt nú patentrættin.
Radiosamskifti. Mælt verður til, at radiosamskiftið – serstakliga altjóða
samstarv og frekvensfyrisiting – verður lagt saman við Fjarskiftiseftirlitinum,
ið er stovnur undir Vinnumálastýrinum. Tørvur verður
í hesum sambandi á einum starvsfólki við góðum førleika.
Føroyskar lógir, sum vísa til danskar myndugleikar
Summar rættarreglur á vinnuøkinum vísa til danskar myndugleikar. Í
flestu førum er orsøkin, at føroyskir myndugleikar ikki hava orku til at
umsita umfatandi yvirlit yvir tekniskar standardir o.tíl.
Tær donsku reglurnar, sum víst verður til, samsvara í flestu førum
við altjóða krøv – serliga ES-krøv. Reglurnar snúgva seg m.a. um fjarskifti,
sløkkilið, ravmagn og tekniskar innleggingar.
Í einum fullveldi verður sjálvsagt framvegis neyðugt at vísa til tekniskar
standardir hjá øðrum londum. Vinnumálastýrið metir ikki, at
fullveldisætlanin fer at hava við sær trupulleikar ella meirútreiðslur á
hesum øki.
Samstarv við danskar stovnar og myndugleikar
Nógvir stovnar undir Vinnumálastýrinum hava bæði formligt og
óformligt samstarv við stovnar og myndugleikar í Danmark og í øðrum
Norðurlondum. Tað er hugsandi, at tá Føroyar gerast fullveldi,
fara summir av hesum donsku stovnum at krevja gjald fyri samstarv,
sum nú er ókeypis.
Samstarvið snýr seg m.a. um ráðgeving, útbúgving, fleirtjóða umboðan
og ymiskt dagligt samskifti í sambandi við stovnsraksturin.
Millum stovnarnar, hvørs dagliga samstarv við danskar stovnar
verður mett at hava stóran týdning, eru Heilsufrøðiliga starvsstovan,
Landsdjóralæknin, Arbeiðseftirlitið og Bileftirlitið.
Hesir og aðrir stovnar undir Vinnumálastýrinum fáa nógva fakliga
hjálp gjøgnum tað formliga og óformliga samstarvið við danskar
stovnar og myndugleikar. Tað er trupult at meta um virðið á hesum
samstarvi.
Føroyskir stovnar samstarva kortini ikki bara við danskar stovnar.
Nógv samskifti er eisini umvegis tað norðurlendska samstarvið – men