hvítabók • fylgibind 2 fyrisiting - Løgmansskrivstovan

Vardar íbúðir
Almanna- og heilsumálastýrið · 341
reglugerð sambært hesi lóg og kann í samráði við Húsalánsgrunnin
gera tekniskar reglugerðir um bjálvingartiltøk, sum eru bindandi fyri
fólk, ið eru metingarmenn ella serliga bjálvingarkøn.
Allar avgerðir hjá Almannastovuni sambært hesi lóg kunnu verða
kærdar til kærunevndina í almannamálum, og avgerðir hjá Húsalánsgrunninum
kunnu verða kærdar til stýrið fyri Húsalánsgrunnin.
2. Lóggáva
Lógin er føroysk løgtingslóg.
3. Fíggjarlig ábyrgd
Landskassin rindar útreiðslurnar sambært lógini.
Ll. nr. 111 frá 03.10.1988
1. Fyrisitingarligir myndugleikar og uppgávur
Fyrisitingarmyndugleikin er landsstýrismaðurin í almannamálum.
Málið við lógini er at lata studning til vardar íbúðir hjá avlamisfólki
og eldri fólki, sum hevur fyri neyðini at búgva í vardum og tryggum
umstøðum.
Verða íbúðirnar ikki brúktar til endamálið ella seldar, fellur ognin/
nettoprísurin aftur til landskassan.
2. Lóggáva
Lógin er føroysk løgtingslóg.
3. Fíggjarlig ábyrgd
Landskassin rindar útreiðslurnar sambært lógini.
Kærunevndin í almannamálum
Ll. nr. 47 frá 23.03.1993.
1. Fyrisitingarligir myndugleikar og uppgávur
Fyrisitingarligir myndugleikar eru kærunevndin í almannamálum,
Almannastovan og landsstýrismaðurin í almannamálum.
Í kærunevndini í almannamálum sita tríggir limir, sum landsstýrismaðurin
í almannamálum velur. Hesir eru ein lækni, ein løgfrøðingur
og ein sosialráðgevi. Landsstýrismaðurin í almanna- og heilsumálum
tilnevnir formannin. Í kærunevndini kunnu fólk, sum eru í almennum
starvi á tí sosiala økinum, ikki verða vald til limir.