hvítabók • fylgibind 2 fyrisiting - Løgmansskrivstovan

Dagpeningalógin
Almanna- og heilsumálastýrið · 325
3. Fíggjarlig ábyrgd
Heimastýrið rindar útreiðslurnar við blokkstuðlinum.
Lb. nr. 102 af 02.03.1988
1. Fyrisitingarligir myndugleikar og uppgávur
Danskir fyrisitingarmyndugleikar hava ikki nógva beinleiðis ávirkan á
dagpeningaøkið í Føroyum. Tó skal danski almannamálaráðharrin
verða tikin upp á ráð, áðrenn heimastýrið ásetir neyvari reglur um
dagpening fyri barnsburð, eins og almannamálaráðharrin í hesum
sambandi hevur heimild at seta galdandi reglur úr gildi. Almannamálaráðharrin
kann eisini gera frávik frá dagpeningalóggávuni í Føroyum,
tá ið altjóða sáttmálar krevja tað.
“Det Færøske Ulykkesforsikrinsråd,“ sum er sett á stovn við heimild
í donskum reglum um vanlukkutrygging í Føroyum, hevur í ávísum
førum til uppgávu at samskipa dagpeningaveitingar í sambandi
við skaðatilburðir, ið samstundis koma undir vanlukkutryggingarlóggávuna,
(arbeiðsskaðar).
Í lógini um dagpening fyri ættleiðing, (sí niðanfyri), er treyt fyri at
fáa dagpening, at ættleiðingarmyndugleikarnir hava gjørt av, at annað
av foreldrunum skal vera heima hjá barninum ta fyrstu tíðina. Ríkisumboðið
umsitur ættleiðingarlóggávuna og ger av, hvør skal fáa ættleiðingarloyvi,
og undir hvørjum treytum ættleiðingarloyvi verður
givið. Tað er sostatt ein danskur myndugleiki í Føroyum, sum er við
til at gera av, um dagpeningur kann verða veittur í hesum føri.
Føroysku myndugleikarnir á dagpeningaøkinum eru fyrst og fremst
landsstýrismaðurin í almanna- og heilsumálum og Almannastovan.
Landsstýrismaðurin hevur heimild at áseta høvuðsreglur fyri dagpeningaøkið
innan fyri tær rammur, ið Fólkatingið hevur givið Landsstýrinum
í dagpeningalógini.
Almannastovan umsitur dagpeningøkið sambært dagpeningalógini
og kunngerðum við heimild í lógini.
2. Lóggáva
Sambært heimastýrislógini er dagpeningaøkið, sum partur av almannaverkinum,
eitt felagsmál. Hóast hetta, yvirtók heimastýrið
kortini dagpeningaøkið í 1995 við eini § 9-yvirtøku. Hetta merkir, at
heimastýrið umsitur dagpeningaøkið innan fyri tær rammur, sum
Fólkatingið loyvir, umframt at Fólkatingið kann heimila heimastýrinum
at áseta neyvari, føroyskar reglur um dagpening.
Høvuðslógin á økinum – Lov for Færøerne om dagpenge ved syg-